Jaurlaritzak eta Emakundek etxeko lanetan eta zaintzan genero-arrakala erdira murriztu nahi dute 2030erako
Eusko Jaurlaritzak eta Emakundek etxeko lanetan eta zaintzan dagoen genero-arrakala gutxienez erdira murriztea (emakumeek egiten dituzten lanak kasuen % 67an) eta soldata-arrakala (azterlan batzuen arabera, urtean 6.000 euro inguru) bost puntu murriztea jarri dute helburutzat 2030erako.
Bi xede horiek Emakunderen Zuzendaritza Kontseiluak astelehen honetan onartutako "2030erako Berdintasun Estrategian" jasotzen dira. Iñigo Urkullu lehendakaria izan da batzar horren buru, eta Nerea Melgosa Berdintasun, Justizia eta Gizarte Politiketarako sailburuak eta Miren Elgarresta Emakundeko zuzendariak ere parte hartu dute.
Estrategia horrek hamaika helburu nagusi ditu, Emakunderen webgunean argitaratutako programa honen agirian jasotzen denez.
Programaren lehen xedea da Euskadiko Genero Berdintasunaren Indizea handitzea — 73 puntu inguru —, 75 puntutik gora lortzeraino.
Bestalde, helburua da erakunde publiko guztiek "beren xedeak betetzeko behar beste langile eta aurrekontu-sail" izatea berdintasun-zerbitzuetan eta -unitateetan.
Era berean, Euskadiko enplegu-tasari dagokionez, genero-arrakala gutxienez erdira murrizteko beharra azpimarratzen du estrategiak. Adierazle hori, gaur egun, % 9,3 ingurukoa da.
Hezkuntzaren esparruan, sistemako ikastetxe guztiek hezkidetza-plan propioa izatea lortu nahi da, berdintasunaren arloko beharrei erantzun "eraginkorra" emateko.
Estrategiaren beste helburuetako bat da Euskadin bizi diren pertsona guztiek emakumeen aurkako indarkeria matxista "onartezintzat" jotzea.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.