Barbaten hildako guardia zibilaren alargunak uko egin dio Marlaskak domina jartzeari
David Perez Carracedo Sarrigurengo guardia zibilaren alargunak uko egin dio Fernando Grande-Marlaska Barne ministroak hilkutxan domina bat jartzeari, igande honetan Guardia Zibilaren Iruñeko Komandantzian jarritako hil-kaperan. Guardia zibila narkolantxa batek harrapatuta hil zen, ostiralean, Barbaten (Cadiz).
Hil-kaperan bildutakoen arabera, Marlaska Guardia Zibileko agente batek zeraman domina hilkutxan jartzeko jasotzera joan denean, alargunak geldiarazi egin du ministroa; izan ere, horren esanetan, senarrak "ez zuen nahi izango" hura izatea domina hori jarriko ziona.
Iturri horiek azaldu dutenez, bertaratutako batzuek txalotu egin dute alarguna. Azkenik, domina zeraman agentea arduratu da domina hilkutxan jartzeaz.
Hil-kaperaren ostean, Nafarroako agintariak eta herritarrak Iruñeko katedralean egin den hileta-elizkizunean bildu dira, Barbaten hildako David Perez Carracedoren familiari eta gertukoei babesa emateko.
Hildako guardia zibilaren lankideek hunkituta egin diote harrera hilkutxari, elizaren sarreran pasilloa eginez. Atarian zain ziren dozenaka lagunek txaloka hartu dute hilkutxa, autoa iritsi denean.
Hildako agentearen kideek eraman dute hilkutxa katedral barrura, Espainiako banderak estaltzen zuela eta txalo artean. Atzetik sartu dira agentearen alarguna eta senideak, eta, ondoren, agintariak. Bien bitartean, Guardia Zibilaren musika-bandak Espainiako ereserkia interpretatu du.
Ekitaldian, besteak beste, Maria Chivite Nafarroako presidentea, Amparo Lopez Barne kontseilaria eta Alicia Echeverria Espainiako Gobernuak Nafarroan duen ordezkaria izan dira.
43 urteko guardia zibila Sarrigurengo (Nafarroa) bizilaguna zen, eta bertan bizi zen emaztearekin eta 9 eta 6 urteko bi semeekin. Guardia Zibilaren Ekintza Azkarreko Taldeko kidea zen.
Iruñeko Udalaren oharra
Iruñeko Udaleko Bozeramaileen Batzordeak aho batez onartu du igande honetan, ostiralean Barbaten (Cadiz) hildako guardia zibilen familiei elkartasuna erakusteko adierazpena.
"Beren funtzioak betetzen ari zirela Cadizeko Barbate herrian Guardia Zibilaren bi agenteren heriotzaren aurrean, horietako bat Sarrigurengo bizilaguna izanik, Iruñeko Udalak, Bozeramaileen Batzarra egin ondotik, bere egiten du familien eta Guardia Zibilaren mina. Intimitate- eta atsekabe-uneak dira, guztiontzat. Har dezatela atseden bakean", dio Udalak onartutako testuak.
Epailearen esku, astelehenean
Bi guardia zibilen heriotzagatik atxilotutako zortzi lagunak astelehen goizean eramango dituzte epailearen aurrera, ikerketako iturriek jakitera eman dutenez.
Horietako sei narkolantxan zihoazen, tartean F.J.M.P. 46 urteko pilotua, La Linea de La Concepcionekoa, hainbat polizia-aurrekari dituena.
Beste bi atxilotuak Sotograndera ibilgailu batean haien bila joan ziren bi gizon dira. Barbateko portuaren sarreran identifikatzera joan ziren agenteei eraso egin eta ihes egin zuten biek.
Herriko epaitegi batek hartu du bere gain auzia.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.