10 eta 20 urte bitarteko espetxe zigorrak, Alexandru Ionita egoera begetatiboan utzi zuten gazteei
Bizkaiko Auzitegiak 20 urteko kartzela-zigorra ezarri die 2021ean Alexandru Ionita gazteari jipoia eman eta egoera begetatiboan uzteagatik auzipetutako lau gazteri. Talde kriminaleko kide izanik, hilketa saiakera delitu baten egileak izatea leporatzen die.
Gainera, beste auzipetu bati 14 urteko kartzela-zigorra ezarri dio delitu berberengatik, anomalia psikikoa aringarria dela iritzita.
10 urteko espetxe-zigorra jarri dio seigarren akusatu bati, talde kriminaleko kide den hilketa saiakera delitu baten konplize izateagatik, eta auzipetuetako zazpigarrenari 12 hilabeteko isuna (egunean 10 euro ordaindu beharko ditu).
Auzitegiak frogatutzat jo du erasotzaileek "lintxamendua" egin zutela eta biktimak ez zuela defentsarik izan, ezta ihesbiderik ere, eta azpikeriaz jokatu zutela. Halaber, auzipetu guztiak, bat izan ezik, "talde kriminal bateko kide" zirela uste du.
Epaian, Bizkaiko Auzitegiak ebatzi du 2021eko uztailaren 25ean auzipetuak "ados jarri zirela" Ionita hiltzeko. Biktima inguratu zuten, eta "modu koordinatuan" jipoia eman zioten, objektu ezberdinak erabilita eta buruan "sekulako hemorragia" eragin zioten ostikoen bidez.
Hartara, auzitegiak iritzi dio "lintxamendua" egon zela, eta biktimak ez zuela bere burua defendatzeko aukerarik izan. Era berean, frogatutzat jo du auzipetu guztiak, bat salbu, "Hermanos Koala" izeneko taldeko kide direla. Hain zuzen ere, delituak egiteko asmoz biltzen zen talde hori.
Kartzela zigorrak ez ezik, Ionitari 1.071.509 euroko kalte ordaina ematera ere zigortu dituzte gazte horiek. Ionitaren gurasoei, bestalde, 20.000 euroko kalte ordaina eman beharko diete.
Bestalde, Alexen familia pozik agertu da Bizkaiko Auzitegiak emandako epaiarekin, izan ere, zigor txiki bat "ez zen bidezkoa izango gazteak jasan dituen kalteen eta zaurien larritasunaren aurrean".
Astearte honetan epaiaren berri izan ostean, Mariana Tulbure biktimaren familiaren abokatuak hedabideei azaldu die, amarekin batera, "nahiko urduri" jaso dutela ebazpena, baina "oso ondo" atera dela. Adierazi duenez, "lortu duguna baino gutxiago ez zen bidezkoa izango".
Gaztearen ama "oso pozik" dago, baina epaiak familiaren mina "apur bat" arintzen duen arren, "Alexi egin diotena ezin zaio ordaindu ez kartzelarekin, ez diruarekin, ez ezerekin". Gainera, epaiketaren azken egunean bost akusatuk egindako barkamen eskaera ez zela "bihotzarekin" egin uste du.
Hogei bat lagunek hartu zuten parte
Esan bezala, 2021eko uztailaren 25ean gertatu zen erasoa, Zornotzan. Han, 15 eta 38 urte bitarteko gizon talde batek Alexandru Ionita jipoitu zuen, konorterik gabe utzi arte. Makilak erabili zituzten horretarako, baina ukabilkadak eta ostikoak ere eman zizkioten, larri zauritu arte. Koman egon zen, eta gaur egun egoera begetatiboan dago.
Zure interesekoa izan daiteke
Bilboko Martzana kaiko ostalariek ez dituzte terrazak kendu, nahiz eta Kostak instalazioak debekatu
Inguruko bizilagunekin gatazka luzea izan ondoren hartu dute neurria. Ostalaritzak sortutako zarata murriztea eskatzen dute bizilagunek, baina, oraingoz, kaiko lokalek martxan jarraitzen dute, terrazak irekita.
?fmt=webp-alpha&qlt=80)
Lau zauritu, bat larri leiho batetik erorita, Barakaldon izandako sute batean
Sutea Barakaldoko El Carmen kaleko etxebizitza batean izan da gaur goizean, eta dagoeneko itzali dute. Larrialdietako zerbitzuek pertsona bat suspertzen saiatu dira bertan lehiotik erori ostean, eta Gurutzetako ospitalera eraman dute gero. Beste bi ere ospitalera eraman dituzte.
Arartekoak Segurtasun Sailari galdetu dio zergatik hasi den atxilotuen jatorriaren berri ematen
Bingen Zupiria Segurtasun sailburuak azaldu zuen irizpidea aldatzea erabaki zela, atxilotuen jatorriariaren inguruan Eusko Legebiltzarrean eskuineko alderdiak egiten ari ziren "presio izugarriaren" ondorioz.
Errenteriako hiru agustinen azken agurra
Hamarkada luzez, bizileku izan duten etxetik alde egiteko unea iritsi da Errenteriako Agustina monasterioko 3 erlijosoentzat. Gaur etxe-aldatze lanetan ikusi ditugu, Bilboko Santa Monika monasteriora mugituko dira euren fedearekin jarrai dezaten eta beharrezkoa duten zaintza egokia izan dezaten.
Zumarragako Ospitaleko bloke kirurgiko berriaren obrak hasi ditu Osakidetzak
Osakidetzak Zumarragako ospitaleko bloke kirurgiko berriaren lanak hasi ditu, 75 milioi euroko inbertsioa izango duena. Eraikin berriak bederatzi ebakuntza-gela, hainbat kontsultadun Minaren Unitatea, hemodialisirako 18 postu, endoskopietarako 14 postu eta esterilizazio-gela bat izango ditu.
Gizon bati 10 urteko kartzela-zigorra ezarri diote Iruñean 13 urteko adingabe bat bortxatzeagatik
Erasoa 2022ko urrian gertatu ziren, Iruñean. Auzitegiak, halaber, zigortua herrialdetik kanporatzea erabaki du, hirugarren gradua edo behin-behineko askatasuna lortzen duenean.
EAEk du IATik garestiena: Estatuko merkeenak baino 15 euro karuago
Ibilgailuen azterketa teknikoaren batez besteko prezioa 53 eurokoa da EAEn, eta 40 eurokoa, Nafarroan.
EAEko Justizia Auzitegi Nagusiak ontzat jo du euskara eskatzeagatik Gipuzkoako Aldundiaren LEP bat baliogabetu izana
Horrela, auzitegiak berretsi egin du aurrez Donostiako Administrazioarekiko Auzietako 1 zenbakiko Epaitegiak emandako epaia. Ebazpenak azpimarratzen duenez, lanpostu guztietan euskara eskatzeak "berdintasun baldintzetan lanpostu publikoa lortzeko oinarrizko eskubidea" urratzen zaien "probintzia horretako biztanleen ia erdiei", gaineratzen duenez "administrazioarekin egiten diren harremanetan % 20-% 25 baino egiten dira egiten euskaraz".
EAEko Auzitegi Nagusiko fiskal nagusiak "zorroztasun handiagoa" eskatu du prostituitutako adingabeei buruzko atestatuetan
Eusko Legebiltzarreko batzorde batean 2024ko Fiskaltzaren Memoria aurkeztu du Carmen Adanek, eta "nolabaiteko utzikeria" salatu du prostituzio-sareetako adingabeen kasuen ikerketetan, "baimendutako harremanak direla pentsatuta".
Bermeoko Jose Done ikastetxeko sexu-abusuen biktimek bizitakoa, hemen
Bermeoko Jose Done ikastetxeko sexu-abusuen biktimak erreparazioa lortzen hasi dira, prozesua hasi eta ia lau urtera. Asier Sanchez gure lankideak 2022an egindako ikerketa bati esker atera zen argitara kasua.