Tafallan anaia hil zuen gizonaren aurkako epaiketa hasiko da astelehen honetan
Tafallan 2022ko ekainaren 21ean anaia hil zuen gizonaren aurkako epaiketa, herri-epaimahaia izango duena, astelehen honetan hasiko da Nafarroako Auzitegian.
Fiskaltzak 21 urteko kartzela-zigorra eskatzen du, nagusitasun larrigarriarekin, eta aitortzaren aringarriarekin. Era berean, 66.350 euroko kalte-ordaina eskatzen du gurasoentzat.
Defentsak, berriz, absoluzioa eskatzen du, segurtasun neurriekin (zentro batean sartzea). Ez du zigorraren iraupena zehaztuko onartuko diren aringarriak zeintzuk diren jakin arte. Defentsarentzat homizidioa izan zen, baina buru nahasmendua, beldur jasanezina, zoraldia eta aitortza aringarriekin.
Fiskalaren kontaketaren arabera, 2022ko ekainaren 21eko 5:10ean, auzipetuak 14 labankada eman zizkion biktimari (gehienak lepoan eta bularrean), defendatzeko aukerarik eman gabe eta ezustean.
Ahozko saioa
Epaiketaren ahozko saioa astelehen honetan hasiko da herri-epaimahaia osatuko duten bederatzi kideen eta bi ordezkoen aukeraketarekin. Iruñeko Justizia Jauregiko Epaimahai Aretoan egingo da ahozko epaiketa lau saiotan, otsailaren 22ra arte.
Hasiera batean, 23an magistratuak ebazpenaren idatzia egingo du, eta 26an herri-epaimahaiaren esku utziko du, erabakia har dezan.
Astelehen honetan, herri-epaimahaia aukeratuta, 11:30 aldera hasiko da aldeen (fiskala eta defentsa) hitzartzea. Ondoren, auzipetuak deklaratuko du.
Zure interesekoa izan daiteke
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.