Erruduntzat jo dute Tafallan anaia hil zuen gizona

Epaimahaiak erruduntzat jo du Cesar G. Z. bere anaia Marcosen hilketagatik. Akusatua 14 labankada eman zizkion biek Tafallan partekatzen zuten etxean, 2022ko ekainaren 21ean.

Epaimahaiak frogatutzat jo du akusatuak anaia hiltzeko asmoa zuela, eta anaia ez zela erasoaz ohartu, ezta babesteko aukerarik izan ere.

Aintzat hartu ditu aitorpenaren inguruabar aringarria, aho batez, eta ahaidetasun-harremana, bi anaien arteko bizikidetza oso gatazkatsua izanik.

Orain, akusatuak 10 eta 20 urte arteko kartzela-zigorra jaso dezake.

Epaimahaiaren erabakia astelehen honetan eman da ezagutzera, joan den astean egindako epaiketaren ostean.