Elurrak zirkulazioa zaildu du Arabako eta Nafarroako zenbait mendatetan
Azken orduetan izandako euriteek eta elurrak arazoak eragin dituzte euskal errepideetan.
Araban, esate baterako, Eusko Jaurlaritzako Segurtasun Sailak arretaz gidatzeko eskatzen du Altuben eta AP-68an, Urduñan, Bernedon, Opakuan, Azazetan, Herreran, Zaldiaranen, Gasteizko mendatean eta Barrerillan.
Egunean zehar, kateak behar izan dira horietako batzuetan, eta itxita egon da zenbait ordutan bakarren bat. Horregatik, egoera aldakorra izan daitekeela ikusita, errepidera irten behar izanez gero, trafikoaren egoeraren berri kontsultatzeko gomendatu dute.
Eusko Jaurlaritzak Neguko Bidezaintza Plana aktibatuta dauka jarraipen eta informazio fasean. Plan horretan, besteak beste, elurra kentzeko 206 makina, 7 garabi astun eta laguntzeko 130 ibilgailu aktibatzeko aukera dago jasota.
Nafarroa, berriz, alerta egoeran dago igandera arte (23:59) elurra dela eta. Gaur bertan, 18:00etan, itxi egin dute Belaguako mendatera daraman NA-137 errepidea, Izabatik Iparraldera doana.
20:00etan, berriz, NA-2000 errepidea itxi dute, Izaba eta Zuriza artekoa, lur-jausiengatik.
Urtero legez, NA-2012 Otsagabia eta Irati lotzen dituen errepidea itxita eta neguko bide-zerbitzurik gabe dago 7. kilometrotik, 2023ko abenduaren 13a eta 2024ko apirilaren 30a bitartean.
Gauza bera gertatzen da NA-2011 Zaraitzu eta Iparraldea lotzen dituen errepidearekin ere, Iturzaetako lepoan, Otsagabia eta Larraine bitartean, 7. eta 20. kilometroen artean.
Istripuak
Bestalde, pertsona bat zauritu da gaur arratsaldean, 15:30 aldera, N-637 errepidean, Zamudio parean izandako istripu batean. Bi ibilgailuk izan dute istripua, eta horietako bat irauli egin da. Hasiera batean, zirkulazioa eten egin da bi noranzkoetan, eta, ondorioz, auto-ilarak sortu dira.
Gainera, A-8 autobidea itxita egon da 11:30etik 17:00etara Ortuella parean, kamioi batek guraizearena egin ondoren. Gidaria zauritu egin da eta auto-ilarak sortu dira.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.