Euria zarra-zarra gaur, eta egonkortasuna bihartik aurrera
Astea aurrekoaren bide beretik hasiko da, euriarekin, bereziki ipar partean, eta ugari botako du. Gainera, abisu horiak ezarriko dira olatu handiengatik, eta marea biziak egongo dira.
Gaur bustitik jarraituko dugu, batez ere ipar partean. Bertan, euria sarri egingo du eta prezipitazio dezente pilatuko dira. Hegoaldean, berriz, euri askoz gutxiago egingo du eta ostarte batzuk zabalduko dira. Elur-kota 1.000-1.100 metroren bueltan egongo da hasieran, baina 1400 metrora igoko da gero. Mendebaldeko haizea ibiliko da, kostaldean zakar hasieran. Tenperaturari dagokionez, ez da aldaketa handirik espero.
Asteartean, giroak egonkortzera egingo du. Zerua hodeitsu egongo da goizean, baina ostarteak zabalduko dira arratsaldean, eta zerua nahiko garbi geratuko da egunaren amaieran. Goizaldean eta goizeko lehen orduetan, euria egin dezake kostaldean, batez ere ekialdean, baina goizean bertan atertuko du. Mendebaldeko haizea ibiliko da, eki ipar-ekialdekoa arratsaldean. Tenperatura maximoak igotzen hasiko dira.
Asteazkenean, hego haizeak tenperaturak igoko ditu, eta ostarte handiak zabalduko dira. Joera hori errepikatuko da asteburura arte.
Abisuak
Eusko Jaurlaritzaren Segurtasun Sailak jakinarazi duenez, itsasaldeko arriskuagatik abisu horia egon da indarrean 04:00etatik 06:00etara, marea biziak eta 1,5-3 metroko olatuak espero baitira. Itsasgora 05:08an izan da.
Asteartean, abisu horia izango da indarrean 05:00etatik 07:00etara, 2 metro inguruko olatuengatik. Marea bereziki bizia izango da, eta urak gainez egin dezake ohiko puntuetan.
Kontsulta ezau eguraldiaren iragarpena, eta bidali zure argazkiak eta bideoak.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.