Lau hildako eta lau desagertu utzi ditu denboraleak Frantzian
Frantziako agintariek jakitera eman dutenez, jada lau dira Monica denboralearen ondorioz hildakoak, Goudarguesen (Gard), ibilgailu baten barruan 47 eta 50 urteko bi emakumeren gorpuak agertu eta gero. Eurek eman diete larrialdiaren abisua goizean erreskate-taldeei.
Erreskate taldeek beste lau desagerturen bila jarraitzen dute, Gard eta Ardeche departamenduan, Frantzia hego-ekialdean: 4 eta 13 urteko bi adingabe eta haren aita, eta Saint-Martin-de-Valamanen galdu zen gizon bat.
Eguraldi txarrak eragindako lehen biktima 80 urteko arrantzale bat izan da igande honetan Re uhartean, mendebaldeko kostaldean, itsasgorak irentsita.
Ondoren, Gardeko larrialdi zerbitzuek 60 bat urteko belgikar baten gorpua aurkitu dute. Haren ibilgailua urak harrapatu du zubi bat gurutzatzen saiatzen ari zela, nahiz eta agintariek debekatuta zuten zubia erabiltzea. Beste bidaiari bat zihoan autoan eta hark ihes egitea lortu eta zuhaitz baten adarretan egon da bi orduz, erreskatatu duten arte.
Une honetan mendebaldeko itsasertz osoa, Iparraldetik Bretainiara, dago alerta egoeran olatuengatik eta bat-bateko mareengatik.
Bartzelonako kostaldean desagertutako gizonaren bilaketa bertan behera geratu da, itsaso txarragatik
Monica denboraleak arazoak eragin ditu Espainiako Estatuan ere. Euri jasa gogorrak izan dira Andaluzian eta Katalunian eta gizon bat desagertu zen atzo Bartzelonako Mar Bella hondartzan, eta itsasoaren egoera txarrak eta itsas hondoan dagoen ikuspen eskasak eraginda, bertan behera utzi behar izan dituzte gaur bilaketa lanak.
Depresio honen gauza on bakarra ur kantitate handia izan da. Izan ere, lehorteak jotako inguruetan egin du euri gehien.
Zure interesekoa izan daiteke
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.