Euskara "eroso" ikasteko INGURA plataforma digitala abian jarri du HABEk
Edozein gailu digitaletik, noiznahi eta nonahi euskara ikastea, modu erosoan eta malguan. Bokazio horrekin jaio da INGURA ikas-plataforma digitala. Lau hizkuntzatan aritzeko aukera ematen du: euskaraz, gaztelaniaz, frantsesez eta ingelesez, eta A1 mailatik C1 mailara bitarteko ikastaroak eskainiko ditu modu progresiboan.
HABE Eusko Jaurlaritzaren Helduen Alfabetatze eta Berreuskalduntzerako Erakundearen ekimena da, eta orain arte erabili den BOGA autoikaskuntza-sistema ordezkatzera dator. Batez ere, bideotan oinarritutako ariketak eskainiko ditu plataforma berriak, eta helburua da hasiera-hasieratik ikaslea hizketan jartzea. Bingen Zupiriak Kultura eta Hizkuntza Politikako sailburuak azaldu ditu plataformaren nondik norakoak, Gobernu Bileraren ondoren egin duen agerraldian.
Esan duenez, ikastaroetan izena emateko bi modu egongo dira: irekia (izena ematearekin nahikoa izango da) eta matrikulapekoa. Azken hori, "ia doakoa" izango dela nabarmendu dute ekimenaren sustatzaileak. Modu horretan, herritarrak "euskararen mundura hurbildu", eta "erabiltzaile izatetik ikasle izatera animatzea" nahi du HABEk.
Lehendabiziko urte honetan, INGURAk A1 mailako ikastaro irekia eskainiko du, 100 ikastordukoa; 60 unitatez osatuta dago eta ikasgai guztiak bakarka nahiz taldean lantzeko diseinatuta daude. Online bada ere, tutore batek gidatuko ditu saioak.
Datorren ikasturtetik aurrera (2024-2025), berriz, A1 ikastaro osoa eskainiko da. Hori egiteko, euskaltegi edo autoikaskuntza-zentro batean matrikulatu beharko du ikasleak. Bakarka egiteko jarduera mota ugari izateaz gain, irakasle batek gidatuta gela birtualean talde-jardueretan arituko da ikaslea.
Lau hizkuntzatan azpititulatutako bideoak izango dira ikastaroen abiapuntu. Horietan oinarritutako unitate didaktikoen landuko dira gela birtualean. HABEren aplikazio informatikoaren bidez kudeatuko dira izen-emateak, eta baita ere, hortik aurrerako izapide guztiak ere.
Zure interesekoa izan daiteke
Mancisidor ararteko hautatu dute, EAJ, PSE-EE eta PPren babesarekin, eta EH Bilduren oposizioarekin
Bere aurrekoak, Manuel Lezertuak, ekainaren 19an formalizatu zuen karguari uko egin ziola, eta harrezkero Ines Ibañez de Maeztu, jarduneko arartekoa izan da.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.