Gabarraz arriskurik gabe gozatzeko gomendioak: hidratatu, seinaleak errespetatu...
Athletic Clubek azken aldiz ospatu zuen gabarrako titulua duela 40 urte, nahiz eta tarte luze horretan beste bi superkopa irabazi, horiek ez zuten hain ospakizun berezia merezi izan. Hala ere, 25. Errege Kopa eskuratuta, gabarra zuri-gorriak Bilboko Itsasadarra zeharkatuko du berriro ostegunean.
Ia aurrekaririk ez duen eguna izatea espero da ostegunekoa Bilbon, eta prestatu duten segurtasun dispositiboa ere halakoa izango da. 1.200 pertsona inguruk osatuko dute operatiboa, "airez, lurrez eta itxasoz" Getxotik Bilborainoko bidea zaintzeko. Futbol jokalariek egingo duten ibilbide osoan 47 gune kritiko atzeman dituzte itsasadarraren bi ertzetan, eta hor jarriko dute arreta berezia.
Hori guztia dela eta, Ertzaintzak hainbat gomendio eman ditu jaiaz arriskurik gabe gozatzeko:
- Pentsatu beti pertsonen segurtasuna ikuskizuna bera baino garrantzitsuagoa dela.
- Kontuan izan gabarraz lehorretik bakarrik goza daitekeela, eta ura baimendutako ontzientzat bakarrik dela.
- Ez jarri elementu ezegonkorrak izan ditzaketen arrisku-eremuetan. Itsasadarrean zehar, uneaz gozatzeko nahikoa espazio seguru daude.
- Sarbide mugatuko eremuetan ezarritako segurtasun-eremuak eta seinaleak errespetatu.
- Ez jarri adingabeak edo mugikortasun murriztua duten pertsonak lehen lerroan: aglomerazio handiak gertatuz gero, hesiaren edo barandaren aurka zanpatzeko arriskua egon daiteke.
- Garraio publikoan eta denborarekin hurbildu.
- Ez joan ibilgailu pribatuan eta ez eraman zurekin mugikortasun pertsonaleko ibilgailurik: bizikletak, patineteak, etab.
- Ebakuazio-irteerak eta -ibilbideak beti begi-bistan izan, behar izanez gero nondik alde egin jakiteko.
- Taldean bazabiltza, jendetzan sartu baino lehen, adostu elkargune bat, norbait galtzen bada nora jo jakin dezan.
- Haurrekin bazabiltza, beti eskutik edo besoetan. Hala ere, adingabe bakoitza bere izenarekin identifikatu, eta nonbaiten harremanetarako telefono bat idatzi.
- Norbait galtzen bada, jo larrialdi-zerbitzuetara.
- Garrantzitsua da hidratatzea denbora asko emango baduzu toki berean.
- Ez igo barandetara, burdin hesietara edo elementu ezegonkorretara.
- Ez gainditu, inola ere, ezarritako segurtasun-lerroak eta -kordoiak.
- Kontuz alkoholaren edo drogen eraginpean daudela diruditen pertsonekin, ziur asko ez baitira ekintzez jabetuko.
- Istilurik izanez gero, saiatu alde egiten eta jakinarazi segurtasun-zerbitzuei.
- Ebakuatu behar izanez gero, egon lasai eta arin ibili, baina korrika egin gabe eta modu ordenatuan, segurtasun-zerbitzuek emandako jarraibideei jarraituz.
- Pertsona batek laguntza behar duela ikusten baduzu, saiatu ematen eta jo ezazu gertuen dauden larrialdi-zerbitzuetara.
- Segurtasun- eta larrialdi-zerbitzuak lagundu, eta haiei lana errazten saiatu.
- Larrialdirik egotekotan, 112 telefonora deitu.
Albiste gehiago gizartea
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.