Astea zerua estalita eta freskatzen hasiko da, eta asteartean euritara joko du
Hodeiak eta ostarteak izango dira nagusi astearen hasieran isurialde atlantikoan, eta oskarbi egongo da Araba, Bizkaia eta Gipuzkoako gainerako tokietan; hala ere, goizaldean eta iluntze aldera, ugariagoak izango dira hodeiak, eta euri pittin bat ere egin dezake han-hemenka.
Euskalmeten arabera, termometroek beherantz jarraituko dute, eta elurra ere egin dezake 1.100-1.300 metrotik gora. Haizeak iparraldetik eta ipar-ekialdetik joko du, tarteka zakar.
Tenperaturei dagokionez, Donostian 6 eta 13 gradu artean izango dira termometroak, 8 eta 14 artean Bilbon eta 3 eta 12 artean Gasteizen.
Kantauri itsasoan, ipar-ekialdeko haizea ibiliko da hasieran, 3-4ko indarrarekin. Haizeak iparraldera biratuko du arratsaldean, eta itsaskia eragingo du. Iparraldeko hondoko itsasoa ere ibiliko da, metro bat inguruko olatuekin.
Asteartean, eguraldia kaxkarragoa izango da, zerua estalita egongo da eta euria egingo du, sarriago isurialde atlantikoan eta, tarteka, baita hegoaldean ere.
Tenperaturek berdintsu jarraituko dute, 10 eta 13 gradu arteko maximoekin, eta elurra ere antzeko kotetan (1.100 eta 1.300 metro artean).
Haizeak iparretik eta ipar-ekialdetik joko du.
Nafarroan, astelehena hodei gutxirekin hasiko da hegoaldean eta hodei gehixeagorekin ipar partean, eguerditik aurrera ugaritzen joango dira lainoak, eta hodeitsu geratuko da erdialdean, eta arratsaldean euri arina ere egin dezake ipar-mendebaldean.
Pirinioetako gailurretan, elur-kota 800-1.000 metro inguruan egongo da, eta ez da baztertzen lanbroa eta goizeko behe-lainoa izatea.
Tenperatura maximoek apur bat behera egingo dute, Pirinioetan eta Erriberabeitian izan ezik, han gehixeago jaitsiko baitira, eta izotza egin dezake mendialdeetan.
Ipar eta ipar-mendebaldeko haize ahula ibiliko da, tarteka bizi eta bolada oso gogorrekin Pirinioetako gailurretan.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.