Afganistanen ostiralean turista talde baten aurka egindako erasoan zaurituetako bat Bilboko emakume bat da
Ostiralean Afganistanen izandako atentatuan zauritu eta Kabulgo ospitale batean sendatzen ari den pertsonetako bat Bilboko emakume bat da, EITB Mediak baieztatu duenez.
Emakumeari ebakuntza egin diote, eta hobera egin du, baina pronostiko erreserbatua du.
Araceli Tamayo, 82 urteko bankako erretiratua eta bidaiari amorratua, Afganistango atentatuan hil zituzten hiru katalanekin batera joaten zen toki exotikoetara; hortik dator hasieran horren jatorriari buruz izandako nahastea.
"Eskerrik asko zuen animoengatik. Mirari bat izan da. Orain, azkar errekuperatzea espero dut etxera lehenbailehen itzultzeko. Laster arte", esan die mezu baten bidez BBK-ko Erretiratuen eta Pentsiodunen Elkarteko kideei.
Tamayo hainbat aldiz elkarrizketatu du Roge Blascok Radio Euskadin, Levando Anclas saioan, bisitatu ohi zituen leku exotikoak zirela eta. Elkarrizketa horietako batean, bidaiariak Palestinako lurretan, Abrahamen bidea egiten izandako esperientzia kontatu zuen; bi astez, 330 kilometroko zeharkaldia, tokian tokiko bizilagunen etxeetan ostatu hartuz.
Diplomazialariak, Kabulen
Kabulen daude jada bertara joan diren diplomazialari espainiarrak, eta ostiralean Bamyan hirian izandako atentatuan hil ziren hiru turista katalanen gorpuak aberriratzeko izapideak arintzeko eta laguntza emateko lanean ari dira.
Erasoan zauritutako bilbotarra ingresatuta dagoen ospitalearekin ere harremanetan daude.
Onik atera ziren bi espainiarrak Afganistandik atera dira jada, goizean bat eta arratsaldean bestea, gestio pertsonal batzuk egin ostean.
Gobernuak bidalitako diplomazialari espainiarrak etengabeko harremanetan egongo dira ostiralean Bamyanen erasoa jasan zuen espainiarren taldearekin, herrialdea utzi eta gorpu guztiak espainiaratu arte laguntza kontsularra eskaintzeko.
Talibanak 2021ean boterera iritsi zirenetik atzerriko turisten aurka egin den lehen erasoa ostiralean gertatu zen, 18:00ak aldera, taldea "ibilgailu baten barruan" zegoela, Bamyan hiria bisitatzen ari zela, Bamyango Informazio eta Kultura zuzendari Safiullah Rayeden arabera. Bazarrean eraso zieten "gizon armatu batzuek". Erasoan, hiru afganiar ere hil zituzten.
Igande iluntzean kaleratutako ohar batean, bere gain hartu du atentatua Estatu Islamikoak.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.