Haurrei egindako sexu erasoak salatzeko bilkura deitu du Algortako Mugimendu Feministak
Algortako Mugimendu Feministak bilkura deitu du gaurko, Getxoko (Bizkaia) Europa ikastetxeko irakasle batek 4 urteko hainbat neskatori egindako sexu erasoak salatzeko. Elkarretaratzea 19:30ean egingo dute Malakate plazan, ikastetxetik gertu.
Ertzaintzak ikerketa du martxan hainbat familiak sexu askatasunaren aurkako delituengatik irakasle bat salatu ostean. Eusko Jaurlaritzako Segurtasun Sailaren arabera, lau adingaberen gurasoek aurkeztu dituzte salaketak, baina ez dute baztertu biktima gehiago izatea.
Ikastetxeko zuzendaritzak atzo jakinarazi zuenez, gizonaren kontrako "zantzuen berri" izan zuten "lehen unetik" kaleratu zuten irakaslea. Antza, ikastetxearen gertuko iturriek Europa Press agentziari azaldu diotenez, ikertutako gizona Haur Hezkuntzako irakaslea izan da aurtengo ikasturtean. Aurrez, beste bi urtez murgiltze programetan parte hartu du, tarteka.
Europa ikastetxeko zuzendaritzak Haur Hezkuntzako familiekin bilera egin zuen atzo arratsaldean, azalpenak emateko. Batzarratik irtetean, familietako batzuk kritiko azaldu ziren, eta salatu zuten joan den astean lanean zegoela irakaslea, lehen susmoen berri bazutenean. Hala, "berandu" ibiltzea egotzi zioten zentroari.
Europa ikastetxearen mezua, gurasoei
Gertatutakoaren aurrean, Europa ikastetxeak mezua bidali zien familia guztiei. Oharraren arabera, hezkuntzako ikuskariekin eta Poliziarekin elkarlanean ari da, "zantzuen berri izan duten lehen momentutik".
Halaber, ikastetxeko baliabideak familien eskura jarri ditu, eta beharrezkoa bada, ez du baztertzen "baliabide gehigarriak erabiltzea behar den denboran".
Eusko Jaurlaritzako Hezkuntza Sailetik ez dute gaiari buruzko adierazpenik egin nahi izan.
Zure interesekoa izan daiteke
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina kanilako ura irteten uztea gomendatzen dute, uhertasuna egon daitekeelakoan.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.
Giroa lehortuko du igandean iritsiko den hego-haizeak
Tenperatura minimoek behera egingo dute, baina maximoek, gora. Kostan, abisu horiak egongo dira, olatuen indarragatik.
Gripearen aurkako txertoa jartzeko deia egin die Osasun Sailak 60 urtetik beherakoei, bereziki haurrei
Aste honetan 889 gripe-kasu izan dira, eta horietatik % 6,2 baino ez dira ospitaleratu; aurreko astean, berriz, % 10 izan ziren. Jaitsiera horrek erakusten du txertaketak kasu larriak murriztu ditzakeela.
Bost atxilotu, horietako bi Nafarroan, adingabe batekin trafikatu eta ezkontzera behartzeagatik
Nafarroako Erriberatik Kataluniara eraman zuten 14 urteko neska, eta familia eroslearen kontrolpean egon zen, behartuta ezkontzera bultzatzeko asmoz. Gizakiak salerostea egotzi diete.
'San Juan' baleontzia Pasaiako badian da jada, historia egiteko prest
Oraindik ez dute lan guztia amaitu, mastak, oihalak eta beste xehetasun batzuk falta baitira. Asmoa da 2027an Kanadarantz abiatzea, euskaldunek bere garaian egiten zuten modura.
'San Juan' ontziaren uretaratze hunkigarria Pasaian
Sagardoarekin bataiatu ondoren, San Juan baleontzia Pasaiako badian uretaratu dute. Agintariek eta ehunka herritarrek ez dute une historikoa galdu nahi izan.
Bizkaiko Foru Aldundiaren LEP bat baliogabetu dute plaza gehienetan euskara eskatzeagatik
Epaile batek bertan behera utzi du deialdia, neurriz kanpokotzat jo baitu Gizarteratzeko Goi Mailako Teknikari lanpostuetako 20tik 18tan eskatzen den euskararen hizkuntza-eskakizuna, zerbitzu horren erabiltzaile gehienak gaztelaniaz aritzen direlako.