La Sallek Patxi Ezkiagaren sexu-abusuak argitzeko abiatu duen barne ikerketaren datuak, Fiskaltzaren esku
La Salle kongregazioak Patxi Ezkiaga irakaslearen sexu-abusuak argitzeko abiatu duen barne ikerketaren datuak eta gaur El Pais egunkariak kaleratutako informazioa Fiskaltzaren esku utzi ditu. Kongregazioak Euskadi Irratiari azaldu dionez, "bere garaian hain gaizki egindakoa konpondu nahi dute".
Gaur El Pais egunkariak 24 ikasle ohiren lekukotza bildu du, horietatik 18 emakumeak dira, guztiek sexu-erasoak jasan izana eta ikastetxeari gertatzen zenaren berri eman ziotela diote.
Lau emakumeek jakitera eman dutenez, 90eko hamarkadan, Donostiako La Salleko ikasleak zirela jasan zituzten Patxi Ezkiaga, irakaslearen sexu-abusuak. Ikasgelan, bulegoan, Izabako kanpalekuan, sexu-erasoak "sistematikoak" zirela, gelako neska guztiei ukituak egiten zizkiela diote.
Emakume horietako batek eskolako zuzendaritzari gutuna igorri zion gertatzen zenaren berri emanaz, beste batek irakasle bati kontatu zion, eta honek "barre egin" zuen.
Urtero ikasle bat "begiz jotzen zuen" eta haren aurkako jazarpena eta erasoak areagotu egiten zirela diote. Egoera hori pairatu zuen emakume batek El Pais egunkariari esan dio sexu-erasoek lau urte iraun zutela, jasandakoak bizitza baldintzatu diola eta hirutan saiatu dela bere buruaz beste egiten.
Euskadi Irratia biktima eta lekuko banakin harremanetan jarri da. "Hunkituta" daudela diote, maiatzean Marisol Zamorak Ezkiagak erasoak lehenengoz salatu eta hilabeteko tartean gertatua kontatu duen emakume kopurua ikusita.
La Salle kongregaziotik baieztatu dutenez, barne ikerketa zabalik dute, eta sexu-erasoen inguruko informazio guztia Fiskaltzaren esku jarri dute. Bestalde, posta helbidea zabaldu dute biktimak eurekin harremanetan jar daitezen.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.