Patxi Ezkiagari herriko seme kutun aitortza kentzea erabaki du Legorretak, sexu-abusuen salaketak direla eta
Legorretako Udalak erabaki du Patxi Ezkiaga Lasa fraide eta idazleari (1943-2018) herriko seme kutun izaera baliogabetzea, Patxi Ezkiaga Kultur Etxea hemendik aurrera Kultur Etxea soilik izatea eta haren omenez eginiko eskultura Etxezarreta parketik kentzea. Erabakiok Marisol Zamora donostiarrak Ezkiagak sexu-abusuak egin zizkiola salatu ondotik hartu ditu Legorretako Udalak, eta gaur zabaldutako adierazpen batean eman ditu ezagutzera.
Horren arabera, biktimaren salaketaren aurrean "Udalak erantzukizuna du dagozkion erabakiak hartzeko, erreparaziorako bideak irekitzeko eta salaketa publiko egin duen Marisol Zamorari babesa adierazteko", Ezkiagari "urtetan zehar hainbat goraipamen eta izendapen egin dizkiolako". "Legorretako Udalak irmo gaitzesten ditu edozein eratako sexu-erasoak, eta bereziki arbuiatu nahi ditu adin txikikoei egindakoak", gaineratu dute adierazpenean.
El País egunkaria Eliza katolikoaren baitan gertatutako sexu-abusuei buruz egiten ari den txosten sortaren azken atalean agertzen da Zamoraren lekukotza, eta asteburuan argitaratu zuen. Albistea landu zuen kazetariarekin, biktimarekin eta Salestarren Kongregazioarekin harremanetan jarri ondoren hartu du erabakia Legorretako Udalak.
Gaur, beste hiru emakumek salatu dute aipatutako hedabidean Ezkiagak sexu-abusuak egin zizkiela, eta kasu gehiagoren berri ere badutela ziurtatu dute.
Kongregazioak barkamena eskatu die biktimei, eta proteccion@lasalle.es helbidearen bidez eurekin harremanetan jartzera deitu ditu, lekukotzak zuzenean jaso eta erantzun bat emateko. "Babes osoa eskaintzen diegu biktimei, eta barkamena eskatzen diegu, ez genituelako behar bezala babestu erakundearen ardurapean zeuden adingabeak", esan du Isabel Llauger La Salleko harreman instituzionaletarako arduradunak, EITB Mediari egindako adierazpenetan.
Patxi Ezkiaga Lasa 1943ko irailaren 12an jaio zen, Legorretan. Literatura ikasketak egin zituen Cambridge eta Oxford unibertsitateetan, eta Historiako lizentzia eskuratu zuen Deustuko Unibertsitatean. Fraidea zen, eta Donostiako La Salle ikastetxean irakasle izan zen 20 urtez.
Legorretako Udalak 2002ko urriaren 26an izendatu zuen herriko seme kutun.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.