Bidaiderik gabeko adingabe migratzaileen harrerarako akordioa "partxe" bat dela kritikatu du Jaurlaritzak
Espainiako autonomia erkidegoek bidaiderik gabeko 400 adingabe migratzaile hartzea adostu dute Espainiako Gobernuarekin, borondatezko harrera izango litzatekeena. Eusko Jaurlaritzak akordioarekin bat egin badu ere, oso kritiko mintzatu da gobernu espainiarraren jardunarekin. Are gehiago, adostutakoa "partxe" bat baino ez dela nabarmendu du eta ez dela migrazio politikak egiteko modua.
Nerea Melgosa Ongizate, Gazteria eta Erronka Demografikoaren sailburuak iradoki du Eusko Jaurlaritzak babestuko duen azken "erantzun plana" izango dela.
Bidaiderik gabeko 400 adingabe migratzaileren borondatezko banaketa adostu badute ere, praktikan 347 pertsona lekualdatuko dituzte, gainerako 53ak Kanarietan eta Ceutan geldituko baitira (40 Kanarietan eta 13 Ceutan).
Zehazki, 18 adin txikiko iritsiko dira Euskal Autonomia Erkidegora, eta, 15, Nafarroara.
Hala ere, autonomia erkidegoak ez dira ados jarri Espainiako Gobernuak proposatu duen Atzerritartasun Legea erreformatzeko. Hain zuzen ere, Gobernuak legea aldatu nahi du adin txikiko migratzaileen banaketa automatikoa eta derrigorrezkoa bihurtzeko.
Melgosak nabarmendu duenez, Eusko Jaurlaritzak "konponbideak" mahai gainean jarri baditu ere, "kontingentzia plana" kasu, ez ditu aintzat hartu Espainiako Gobernuak.
"Estatuaren eredua ez da eraginkorra, behin eta berriz partxeoaren ideia errepikatzen da eta inoiz baino gehiago kontingentzia plana beharrezkoa da", gaineratu du.
Bestalde, Xabier Legarreta Jaurlaritzako Migrazio zuzendariak adierazi du atzoko akordioak ez duela balioko arazoari behar bezala aurre egiteko.
Bestalde, Mikel Torres lehendakariorde bigarrenak esan du Melgosaren "ezinegona" ulertzen duela, baina gaineratu du akordioa ez dela "partxe bat". Hala ere, Jaurlaritzako alderdien arteko arazorik ez dela izango gaineratu du.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.