Antxoaren biomasa 143.000 tonakoa da Bizkaiko golkoan, batez besteko historikoaren gainetik
Azti euskal zentro zientifikoaren esanetan, antxoaren biomasa Bizkaiko golkoan 143.000 tonakoa da. Hain zuzen ere, espezie horren jasangarritasuna bermatzen duen batez besteko historikoaren gainetik dago beraz.
Eusko Jaurlaritzak larunbat honetan jakitera eman duenez, "Bioman" ikerketa zientifikoaren behin-behineko emaitzak dira. Horren arabera, datuek argi adierazten dute antxoak "egoera onean" jarraitzen duela gure lurraldean, gogoan izanda arrantzarako eta ekonomiarako Kantauri itsasoko "baliabide garrantzitsuenetarikoa" dela.
Testuinguru horretan, Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak datu horien inguruko balorazioa egin du.
Horren hitzetan, "Aztiren datuen arabera, antxoaren iraunkortasuna bermatuta dago, argi baitago populazioaren muga biologikoa markatzen duen 21.000 tonatik gora. Are gehiago, azkenaldiko datuek nabarmen gainditzen dute kanpaina honek 1987an hasi zenetik dokumentatu duen 80.000 tonako batez besteko historikoa".
"Albiste bikaina da, eta urte askotan ingurumenaren eta Euskadiko arrantza-sektorearen jasangarritasunaren alde egin dugun apustua balioesten du, Euskadin 3.500 pertsona baino gehiagori lana ematen dion baliabide bat izanik", azpimarratu du sailburuak.
"Datu hauekin datorren denboraldiko kostera ziurtatzen dugu. Emaitzak oso onak dira, baina biomasaren behin betiko datua izateko eta kudeatzaileei aholkuak emateko, urtearen amaierara arte itxaron beharko dugu, orduan izango baititugu beste kanpainen eta arrantzako flotaren harrapaketen datuak", azaldu du Barredok.
Urte amaieran lortuko da behin betiko datua, "Juvena" eta "Pelgas" kanpainen eta flotaren harrapaketen datuak batera aztertzen direnean. Lehenengo ikerketa euskal zentro teknologikoak lideratzen du, eta urtebete baino gutxiagoko antxoen ugaritasuna eta banaketa zehazten ditu. Bigarrena, berriz, Frantziako Ifremer institutuak koordinatzen du, eta antxoaren populazioaren egoera eta Frantziako eremu atlantikoko ekosistemaren funtzionamendua ezagutzeko da.
"Analisi oso horrekin, zehatzago jakingo dugu udaberri honetan jaiotako antxoa-aleetatik zenbat iristen diren udazkenean jubenilak izatera, eta hori ingurumeneko eta ekosistemetako faktoreen mende dago: tenperatura, elikagaien eskuragarritasuna eta harrapariak", erantsi du sailburuak.
Ikerketa Eusko Jaurlaritzaren eta Europako Batzordearen finantzaketarekin eta Arrantzako Idazkaritza Nagusiaren lankidetzarekin egin da.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.