autobus istripua
Gorde
Kendu nire zerrendatik

Hiru pertsona larri zauritu dira Bartzelonan autobus batek izan duen istripu ikusgarrian

60 langile inguru Inditex enpresak Torderan duen lantegira zeramatzan autobusak, eta 44 pertsona arin eta beste 3 larri zauritu dira. Larrialdi zerbitzuek bidaiari guztiak atera dituzte baina autobus gidaria autobus barruan harrapatuta egon da bi orduz eta goizeko 11:00ak aldera atera dute.
AUTOBUS ISTRIPUA BARTZELONA
18:00 - 20:00
Generalitateko suhiltzaileak lanean, istripua izan duen autobusa askatzeko

Gutxienez hiru pertsona larri zauritu dira C-32 errepidean, Pineda de Marren (Bartzelona), autobus batek izandako istripuaren ondorioz. Autobusak Inditex enpresako 50  langile inguru zeramatzan, eta Tordera eta Santa Susana udalerriak lotzen dituen tunelaren sarreran irauli eta zintzilik geratu da. Bidaiari guztiak atera dituzte larrialdi zerbitzuek, baita autobus gidaria ere, bi orduz barruan harrapatuta egon ondotik.

Istripua 08:30ak pasatxoan gertatu da. Lehen hipotesien arabera autobusaren gurpil bat lehertu da, gidariak kontrola galdu du eta bazterreko hesi gainera igo eta aurrerantz egin du tunel sarrerako uztai gainean igo da eta trabatuta geratu, eta atzealdea errepidean bertan, trabeska airean. Langileak Inditexek Torderan duen lantegira zeramatzan autobusak.

Osasun zerbitzuek 47 pertsona artatu dituzte denera, hauetatik 3 larri daude erietxeratuta.

Autobusa tunel sarreran gelditu denez, ondoren beste hainbat ibilgailuk istripua izan dute eta osatu diren auto ilarak 20 kilometrokoak izatera iritsi dira. Larrialdi zerbitzuek bidaiari guztiak atera dituzte baina autobus gidaria autobus barruan harrapatuta egon da, eta azkenean, 11:00k aldera, ateratzea lortu dute.

Xavier Amor Pine de Marreko alkateak TV3n egindako elkarrizketa batean azaldu duenez, pabiloi bat prestatu dute kaltetuentzat: "Etengabe harremanetan gaude elkarlanean ahalik eta ondoen joateko" eta esan du "irudiak ikusi ondoren, zauritu larririk ez dagoela baieztatzen bada, miraria izango dela".

Albiste gehiago gizartea

18:00 - 20:00
ZUZENEAN
Duela  min.

Sanferminak, entzierroak eta zezenak baino askoz gehiago

Zezenak Santo Domingoko aldapan edo Estafetan. Hori izan ohi da sanferminetako irudirik ohikoena. Baina Iruñeko jaiak hori baino askoz gehiago dira. Eguneko 24 orduetan aurkitu daiteke festa-giroa eta musika non nahi. Dantzak, jotak, erraldoiak eta buruhandiak, kontzertuak... ez dago aspertzeko astirik.

Gehiago kargatu