Turismoa masifikatzen ari al da EAEn eta Nafarroan?
Urteko lehen hilabeteetan, 3 milioi turista baino gehiago jaso ditugu Araban, Bizkaian, Gipuzkoan eta Nafarroan. Datuek argi erakusten dutenez, sektorea goranzko joeran dago; izan ere, turista kopurua % 19 hazi da Euskal Autonomia Erkidegoan, iazko garai berarekin alderatuta, eta % 15ekoa izan da igoera Nafarroan.
Turisten gorakada orokorra izan da Espainiako Estatuan (% 13), eta horrek pandemiaren garaiko beherakada gainditu dela baieztatzen du.
Hala ere, Hego Euskal Herriak Estatuko turismo fluxuari egiten dion ekarpena biztanleriaren pisua baino txikiagoa da oraindik: turisten % 5 jasotzen ditugu eta Estatuko biztanleen % 6 ditugu. Turismo helmuga klasikoak diren Kanarietan edota Balear Uharteetan kontrakoa gertatzen da.
Atzerriko turismoaren hazkundeak eragin du, hein handi batean, 2024ko lehen zatian izandako igoera hau. Kasu honetan, gainera, igoera Estatuan baino nabarmenagoa izan da, han % 21 igo baita.
Alabaina, gaur-gaurkoz gurera etortzen diren turista gehienak Estatukoak dira (% 62 EAEn eta % 72 Nafarroan). Madrilgoak, Kataluniakoak edota Gaztela eta Leongoak izaten dira.
Gehienek hoteletan hartzen dute ostatu, batez beste bi egun pasatzen dituzte gure artean eta egunean 200 euro inguru gastatzen dituzte.
Txangozaleak
Gune turistikoetan, bertakoak, turistak eta txangozaleak elkartu ohi gara, eta horrek bisitariz inguratuta gaudela pentsarazten digu.
Hain zuzen ere, nazioarteko txangozaleen fenomenoak indar handia du gurean. Beste leku batzuetan (Ipar Euskal Herrian, esaterako) ostatu hartzen duten edo itsas bidaian iristen diren eta egun bakarreko bisita egiten diguten pertsona ugari jasotzen ditugu, batik bat uda garaian.
Kasu horretan, nabarmentzekoa da bisitari horiek Estatuan sortzen duten gastuaren % 19 EAEn egiten dutela. Nafarroak gastu horren % 7 bereganatzen du.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.