Bruselatik Ondarroara bizikletan, fibrosi kistikoa ikusarazteko
Fibrosi kistikoa gaixotasuna ezagutzera emateko eta hau sufritzen duten gaixoentzat eta familientzat laguntza eskatzeko Bixi ekimena sortu dute hainbat lagunek eta ostiral honetan, uztailak 26, elkartasun ekintza abiatuko dute: Bruselatik Ondarroara bizikleta martxa egingo dute.
1314 kilometroko ibilbidea burutuko dute 13 etapatan banatuta eta, guztira ia 5000 metroko desnibela pilatuko dute. Ibilbidean zehar Lille, Paris, Bordele eta Baiona igaroko dituzte besteak beste eta abuztuaren 7an Ondarroara iristea espero dute.
Fibrosi kistikoa bereziki birikei eta liseri aparatuari eragiten dien gaixotasun genetiko degeneratiboa da. Organo horien inguruan muki sendo bat sortzen da eta ez dute behar bezala lan egiten. Horrez gainera, hainbat infekzio eragin ditzake. Kasu batzuetan heriotza ere sortzen du.
Bixi ekintzaren helburua gaitz hau duten pertsonei eta haien familiei laguntzea da. Seber Uribe ondarrutarra da antolatzaileetako bat. Gaixotasun hau daukan Elene Etxaniz gaztearen osaba da bera. Euskadi Irratiko 'Faktoria' saioan egindako elkarrizketan azaldu duenez, "botika asko behar dituzte organo horiek ahalik eta ongien funtzionatu dezaten" eta "botika gutxiago hartu ahal izateko, fisioterapia saio ugari hartzen dituzte".
Gaixotasun hau duten pertsonek askotan egon behar izaten dutela ospitaleetan ere jakinarazi du Uribek; batzuetan infekzioen edo bestelako konplikazioen ondorioz, eta beste batzuetan, organoren bat erabat hondatu delako eta transplantea behar dutelako.
Egoera hauetan guztietan ez dute laguntzarik jasotzen gaur gaurkoz gaixotasuna bizi duten familia horiek. Hori dela eta, administrazioen atea jo eta laguntza eskatzen dute Bixi ekimeneko kideek.
Albiste gehiago gizartea
Eraso sexisten kontra, gelditu egin dira Iruñea eta sanferminak
Ehunka pertsonek erantzun diote hainbat kolektibo biltzen dituen Indarkeria Sexistaren aurkako Emakumeen Plataformak egindako deialdiari eta Gazteluko plazara joan dira jaietan gertatu diren eraso sexistak salatzeko. Iruñeko Udaleko Bozeramaileen Batzordeak adierazpen bat onartu du igande honetan, hilaren 11ko sexu-erasoaren "erabateko gaitzespena" agertuz.
Kloro ihesa izan da Azkoitiko Ugarteigaran igerileku irekietan eta bost lagun ospitaleratu dituzte baina arriskutik kanpo daude
Lau haur eta heldu bat dira kalteak jasan dituztenak. Udaltzaingoak hustu eta itxi egin ditu instalazioak eta suhiltzaileak eta anbulantziak bertaratu dira. Udalak jakinarazi duenez, "arrazoia kloroa dosifikatzen duen motorrak izandako akats teknikoan datza".
Amarako bizilagunei eskerrak emateko bazkaria antolatu dute asilo eske kalean bizi diren migratzaileek
Bizilagunek azken asteetan erakutsi dieten babesa eskertzeko eta, lotsak gaindituta, elkar ezagutzeko bazkaria egin dute igande honetan Amara auzoan, Donostian. Frantziatik kanporatuta, asiloa eskatzen dute, eta bizilagunak tramiteekin laguntzen ari zaizkie.
Hiru Behien Zergaren zeremonia ospatu dute, Europako itunik zaharrena
XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxean beharrezko izapideak egin ondoren, epailearen aurrera eraman dute.
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.