Gizonezko batek 74 urteko bikotekidea hil du Coruñan
76 urteko gizonezko batek bere 74 urteko bikotekidea hil du ostiral honetan Coruñan, Espainiako Gobernuak A Coruñan duen ordezkariordea den Maria Rivasek baieztatu duenez.
Hasiera batean, emakumea hilik aurkitu zuela jakinarazi zion 76 urteko gizonak Polizia Nazionalari baina, autopsiaren arabera, berak ito egin zuen. Gizona atxilotu zuten, eta epaileak espetxera bidali du, behin-behinean, komunikatuta eta fidantzarik gabe, homizidio delitua leporatuta.
Hilketa ostiralean jazo zen, Coruñako Labañou auzoan, eta Polizia Nazionalak ordu batzuk geroago atxilotu zuen gizona.
Hasieran gizonak emandako bertsioaren arabera, gau hartan zarata bat entzun zuen aldameneko gelan, logela bereizietan egiten baitzuten lo, eta ohetik erori zela ikusita, emakumea estali zuen eta berriro lo egitera joan zen. Bere hitzetan, hurrengo egunean altxatu zen eta hilda aurkitu zuen. Jarraian, Polizia Nazionalari deitu zion.
Orduan hasi zen ikerketa, eta emakumea itota hil zela ebatzi zuen autopsiak. Horregatik atxilotu zuten jarraian, ustezko egile gisa.
Zure interesekoa izan daiteke
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.
Martxoak 3ko sarraskia gogoan, Zeledonek hasiera eman die Ama Zuriaren jaiei
Baskoniako ordezkariek suziria piztu eta Zeledon jaitsita, festa lehertu da Gasteizen, Andra Maria Zuriaren plaza gainezka zegoela.
Gizon bat hil da Lizarran, balkoi batetik erorita, Poliziarengandik ihesi zihoala, genero-indarkeria kasu baten ostean
Ikerketaren arabera, hildakoa laugarren solairutik erori da balkoi batetik bestera igarotzen saiatzen ari zela, agenteak Santiago plazako etxebizitza batera iritsi direnean. Bertan, emakume batek eraso baten berri eman du. Auzia sekretupean dagoenez, ez dute emakumearen egoeraz informatu.
Uharteko parrokoak "Rabat bonbardatzea" eta migratzaileei suarekin erantzutea proposatu du
Javier Aizpun apaizak hainbat mezu argitaratu ditu X sare sozialean Ceutako migrazio krisiaren inguruan, eta Marokoren eta migratzaileen aurkako muturreko neurri gogorrak proposatu ditu.
Zuzenean: Zeledonen igoera
Jarraitu zuzenean Zeledonen igoera Joseba Olagarai eta Josu Pedruzoren kontakizunarekin.
Zuzenean: Edurne eta Zeledon Txikiren jaitsiera
Jarraitu zuzenean Edurne eta Zeledon Txikiren jaitsiera, Ilaski Serranoren eta Josu Pedruzoren komentarioekin.
Poliziak duela 16 urte Fiteroko monasteriotik lapurtutako egurrezko erliebe bat berreskuratu du
Fiteroko Santa Klara Monasterioko aldare nagusian zegoen, eta handik hartu zuten duela 16 urte. Zizelkatutako egurrezko erliebea herriko apaizari eman zaio.
Zuzenean: Zeledonen jaitsiera
Andre Maria Zuriaren jaiak 18:00etan hasiko dira, Zeledonen jaitsierarekin. Baskoniak botako du txupinazoa aurten. EITBk zuzenean emango du ospakizunen hasiera, 17:30etatik aurrera.
Zuzenean: Zeledonen jaitsiera
Gasteizko jaiak gaur hasiko dira, 18:00etan. Zeledon jaitsiko da eta Baskoniak txupinazoa botako du. EITBk zuzenean emango du ospakizunen hasiera, 17:30etik aurrera.
San Mamesko metro geltokia berriz ireki dute, sarrerako eskaileretan sutea piztu ostean
Suhiltzaileak metroaren sarreran izan dira lanean. Dirudienez, eskailera mekanikoetan batu den hautsagatik sortu da sutea eta ketza sortu da.