Indarkeria zantzuak dituen emakume baten gorpua aurkitu dute Valladolideko etxe batean izandako sutean
Suhiltzaileek eta Polizia Nazionalak 49 urteko emakume baten gorpua aurkitu dute astelehen honetan Valladolideko Pajarillos auzoko etxebizitza batean piztutako sute batean. Gorpuak indarkeria zantzuak ditu, Gaztela eta Leongo Gobernuaren Ordezkaritzak jakitera eman duenez. Biktimaren senarra ordu batzuk geroago atxilotu dute Vigon (Galizia).
Ezbeharra astelehen honetan gertatu da, 08:20ak aldera, Pajarillos auzoko Sison kaleko etxebizitza batean piztutako sutearen ondorioz.
Sua itzaltzeko lanetan ari zirela, suhiltzaileek emakume baten gorpua aurkitu dute etxebizitzan, indarkeria zantzuekin. Sutearen ondorioz, emakumearen hiru txakurrak ere hil dira.
Bizilagunek komunikabideei adierazi dietenez, hildako emakumea atzotik ikusi ez duten senarrarekin bizi zen. Gaineratu dute oso pertsona bortitza eta gatazkatsua dela gizona, eta beste bizilagun bati eraso eta mehatxu egiteagatik kondenatu zutela.
Bestalde, Berdintasun Ministerioak jakinarazi du datuak biltzen ari dela hilketa matxista izan den argitzeko.
Valladolideko Sexu Erasoen eta Tratu Txarren Biktimei Laguntzeko Elkarteak (Adavasymt) elkarretaratzea egingo du astertean hilketa gaitzesteko.
Bizilagun batek komunikabideei adierazi dienez, emakumearen senarrak -Juan izenekoa- aizkora batekin beste pisu bateko ate bat txikitu zuen.
Bere esanetan, 04:00etan kolpe handi bat entzun du bere etxean eta 08:00etan kea ikusten hasi dira leihotik irteten eta suhiltzaileei deitu diete.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.