Espetxera bidali dute fidantzarik gabe Mocejonen Mateo hiltzea egotzita atxilotutako gaztea
Instrukzio-epaileak espetxera bidali du, fidantzarik ezarri gabe, joan zen igandean, abuztuak 18, Toledoko Mocejon herrian 11 urteko Mateo mutikoa hiltzeaz akusatu eta atxilotutako 20 urteko gaztea. Hilketa delitua leporatu diote behin behinean Gaztela-Mantxako epaitegi nagusiak jakinarazi duenez.
Epaitegiak argitaratutako informazioan, ikertua bere desgaitasun-egoerara egokitutako zentro, unitate edo sail batera eramateko eskatu dio instrukzio epaileak espetxe zuzendaritzari. Horrez gainera, prozeduraren gaineko sekretua altxa du eta auzia egoitza judizialean ikertzen eta izapidetzen jarraituko dute.
Deklarazioa hartu aurretik, auzitegi-medikuen txostena eskatu du epaileak eta, horren arabera, ikertuari bere desgaitasun-egoerara egokitutako galdeketa egin dio, Prozedura Kriminalaren Legearen 109. artikuluak jasotzen duen bezala; alegia, galderak ulertzen eta ulertua izaten lagundu dion bideratzaile bat alboan zuela egin diote galdeketa.
Atxilotuak, 20 urteko nazionalitate espainiarra duen gazteak, Mateoren hilketa onartu zuen atxilotua izan ondoren. Guardia Zibilak hilketa burutzeko armaren bila jarraitzen du. Ikerketan zehar hainbat aizto aurkitu dituzte baina oraingoz ez da konfirmatu hilketan erabilitakoak izan direnik eta ikertzen jarraitzen dute.
Mateo lagunekin jolasean ari zen igande goizean Mocejon herriko kiroldegian, 20 urteko gaztea gerturatu eta hainbat labankada eman zizkionean.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.