Oiartzun eta Lezo, mendizaleen gorpuak noiz aberriratuko dituzten zain
Lezo eta Oiartzun herriak mendizaleen gorpuak noiz aberriratuko dituzten zain daude. Atzo arratsaldean heldu ziren senideak Mont Blancera, bai asteazkenean mendian izandako istripuan hildako mendizaleenak, baita zauritutakoarenak ere.
Hildako mendizaleak eskualde berekoak ziren. Mikel Etxezarraga, jaiotzez usurbildarra, Lezoko Altamira auzoan bizi zen, eta Markel Galdos oiartzuarrak Lezoko kiroldegian egiten zuen lan sorosle. Biak oso ezagunak ziren inguruan. Oiartzuarra da Soka-taldeko hirugarren kidea ere, lagunak amiltzen ikusi eta abisua eman zuena.
Senideak atzo, osteguna, iritsi ziren Chamonix-Mont Blancera. Savoia Garaia departamenduan dago, Auvernia-Rodano-Alpeak eskualdean, eta mendizaleen gorpuak aberriratzeko izapideak bete beharko dituzte bertan.
Eusko Jaurlaritzak adierazi duenez, kasu hauetan gertatzen den bezala, "talde kontsularraren eta familiaren zerbitzura jarri da, eskatzen zaionean eta erabilgarria izan daitekeenean laguntzeko".
Ildo horretan, "lehen unetik senideekin harremanetan" dagoela esan du, beharko lituzketen kontaktuak egiten eta izapideak bideratzen laguntzeko.
Bestalde, Kanpo Arazoetarako Ministerioak laguntza eskaini die hildako mendizaleen familiei. Ministeriotik azaldu dutenaren arabera, Espainiak Lyonen duen kontsulak gertatutakoaren berri du, eta "Frantziako agintariekin eta biktimen familiekin harremanetan dago behar izanez gero laguntza eskaintzeko".
Atzo oharra argitaratu zuen Oiartzungo Udalak. Horren arabera, Udala hildako eta zauritutako oiartzuarren familiekin harremanetan jarri zen atzo, herri bezala, "elkartasuna adierazi eta laguntza eskaintzeko". Aldi berean, beraien intimitatea errespetatzeko eskatu du.
Zure interesekoa izan daiteke
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.