Larunbatean Legution hasitako 'rave' bateko parte-hartzaileak identifikatu ditu Ertzaintzak
Araban, Legutio herrian, legez kanpoko "rave" erraldoi bat izan da larunbatetik gaur arte. 200 bat lagunek parte hartu dute musika elektronikoa ardatz duen topaketan eta dozena lagunek bertan jarraitzen zuten gaur oraindik.
Ertzaintza ingurua zaintzen eta bertatik ateratzen ari diren lagunak identifikatzen aritu da egunean zehar. Gutxienez, 50 pertsona identifikatu dituzte, Segurtasun Sailak jakitera eman duenez.
Sonia Fernandez Legutioko jarduneko alkateak Radio Vitoriari azaldu dionez, larunbateko lehen orduan izan zuten festaren berri, UAGA sindikatuaren bitartez. Jaiak, antza denez, ardiak ura edatera joatean diren eremua hartu zuen eta ganaduzaleak kexu agertu ziren. Artzain batek artalde bat lekuz mugitu behar izan zuen, bafleak eta musika altua zela eta. Orain, hurrengo egunetan ardiek abortuak izango ote dituzten beldur da.
Sare sozialetan argitaratutako bideo batean "legez kanpoko jaien zigorgabetasuna eta lehen sektorearen babesgabetasuna" salatu ditu UAGAk. Animalien Ongizatearen araudia ez betetzea leporatu die festako parte-hartzaileei eta euren lana ez egitea, berriz, ertzainei.
Arabako abeltzain eta nekazarien sindikatuak salatu duenez, jaiak ez die abereei ura edaten duten lekura sartzen utzi larunbatetik eta abeltzainak Ertzaintzaren aurrean egoera salatu dutenean, poliziak "asko direla, eta, beraz, ez dutela gaitasunik" erantzun omen die.
"Egun batzuk itxaron ditzatela festa amaitu arte, eta ea ganaduak hiru egun iraun ditzakeen urik edan gabe", oharatarazi du sindikatuak. Bideoan, gainera, gogor kritikatu dute abeltzainen protestetan izandako "kontrol zorrotzen ondoan", Ertzaintza oraingoan izaten ari den jarrera.
Ez da Legution horrelako festa bat egiten duten lehen aldia. 2021ean, 300 gaztek 30 orduko jaia egin zuten herriaren kanpoaldean eta 2022an 500 lagun bildu ziren. Festa hasi eta lau egunera, Ertzaintza agertu zen eta guztia desmontatu ondoren Trebiñura joan ziren, jaiak jarrai zezan.
ETBn inguruko nekazaletxe bateko jabeak elkarrizketatu dituzte arratsaldean eta, azaldu dutenez, ez dute zarata handirik entzun asteburu osoan, ezagutu dituzten parte hartzaileak jatorrak izan dira eta eurei ez dietela inolako arazorik eragin argi utzi nahi izan dute.
Zure interesekoa izan daiteke
Baso sute handia piztu da Imarkoainen
Sua 17:00ak baino apur bat lehenago piztu da, Iruñetik 10 kilometro eskasera dagoen zereal soro batean. Prebentzio neurri gisa, AP-15a itxita egon da bi orduz eta gertu dagoen trenbide katenariaren argindar hornidura eten dute. Haizea itzaltze lanak zailtzen ari da.
Ekainean 207 pertsona hil ziren Hego Euskal Herrian beroak eragindako gorabeherengatik, eta beste 27 uztaileko lehen lau egunetan
Carlos III.a Osasun Institutuaren Eguneroko Hilkortasunaren Monitorizazio Sistemaren (MoMo) datuen arabera, Estatu osoan 153 pertsona hil ahal izan dira azken lau egunetan beroaren ondorioz, eta ekainean ia 1.000 izan ziren tenperatura altuei egotz dakizkiekeen heriotzak.
Nafarroako Larrialdi zerbitzuetako langileak "oso pozik", herritarrek hala nahi izanda, txupinazoa botako dutelako
Urte osoan zehar, eta Sanferminetan bereziki, lana erruz egin arren, euren ahaleginak ez du beti merezitako aitortza jasotzen. Aurtengo txupinazoa botatzeko ardura eman diete herritarrek, eta festetako lanari gogoz ekiteko pizgarri izango da hori osasun langileentzat. Clint Fernandez Larrialdietako zuzendariordeak eta Araceli Sergio erizainak igoko dira Udaletxeko balkoira, Larrialdietako langile guztien izenean.
Baso sute handia piztu da Imarkoainen
Sua 17:00ak aldera piztu da Nafarroako udalerri horretako pinudi batean. Bi helikoptero ari dira itzaltze lanetan, eta nekazariak traktoreekin ari dira laguntzen.
Busti Zaitez ekimenak ehunka pertsona bildu ditu esklerosi anizkoitza ikusarazteko eta horren ikerketa bultzatzeko
Esklerosi Anizkoitzaren Fundazioak antolatzen du urtero ekimena, eta aurten bost hondartzatan eta dozena bat udal igerilekutan egin dute. Helburua da herritarrak sentsibilizatzea gaixotasun neurologiko kroniko honen inguruan eta gaixoentzat dirua biltzea.
PETAk eta AnimaNaturalisek tauromakiaren "bekatua" salatu dute Iruñean
Urtero bezala, elkarte animalistek zezenketen aurkako ohiko 'performancea' egin dute Iruñeko Udaletxe plazan. Ekintzari izaera katolikoa eman diote. Hala, Jesukristo odoleztatu bat paratu dute plazaren erdian, eta inguruan, hainbat pertsona erdi biluzik, gorputza pintura gorriz zikinduta eta adarrak buruan. Manifestariek tauromakia gaitzesteko eskatu diote Leon XIV.a aita santuari.
Urnietako mendizale bat hil da Pic du Midi d'Ossautik jaisten ari zela
24 urteko gaztea 20 metro inguruko altueratik erori da beste lagun batzuekin Pic du Midi d 'Ossaun behera zihoala. Urnietako Udalak "tristura eta samina" agertu du heriotzagatik, eta familiarekin harremanetan da behar duen horretan laguntzeko.
11 pertsona zauritu dira Gironako sutean
Bost bizilagun, bost suhiltzaile eta Armadako kide bat dira zauritutakoak. Suhiltzaileek ohartarazi dutenez, gaur behintzat ez dute sutea kontrolpean hartuko. Gaur goizean konfinamendua altxatu dute, eta etxera itzuli ahal izan dira ebakuatutako herritarrak.
Txupinazorako ordu gutxiren faltan, festak errespetuz eta segurtasunez igarotzeko deia egin du Joseba Asiron Iruñeko alkateak
Ordu gutxi barru festa lehertuko da Iruñean eta 2026 honetako sanferminen berritasun nagusiak aletu dizkio Joseba Asironek, Udaletxeko balkoian bertan, Maider Arteaga ETBko kazetariari. Errespeturako deia egin du, batez ere emakumeen askatasunarekiko. Jaien izaera herrikoiak iraun izanaz harro agertu da, bere zazpigarren eta legegintzaldiko azken sanferminen atarian.
Asteazkenera arte ez da Renferen trenik ibiliko Arrigorriaga eta Bilbo artean, lanak direla eta
Autobusez ari dira egiten bi udalerrien arteko bidea. Etenak Ibilbide Luzeko trenei eragiten die, Bilbo eta Miranda de Ebro artean. Basaurin, Bidebieta geltokia hobetzeko lanak egiten ari dira, eta horrek eragin du gorabehera.