Justiziak bertan behera utzi du etorkin adingabeak artatzeko Kanarietako Gobernuaren protokoloa
Kanarietako Justizia Auzitegi Nagusiak bertan behera utzi du Kanarietako Gobernuaren protokoloa, inoren kargura ez dauden eta artxipelagora itsasoz iristen diren adin txikiko etorkinei arreta emateko, iturri judizialek jakitera eman dutenez.
Fiskaltzak Auzitegiari eskatu zion "behin-behinean eta berehala" bertan behera utz zezala Kanarietako Gobernuak ontzi prekarioetan iritsitako adingabeak artatzeko argitaratutako protokoloa; izan ere, ontzi horiei harrera egiteko ezarritako baldintzek kalte egin liezaiokete "babes gabe" dauden haurrei.
Afrikako ipar-mendebaldeko kostaldearen ondoko uharte horiek Europara heltzeko 'ibilbide atlantikoa' baliatzen duten milaka pertsona migratzaileen helmuga dira.
Uhartediak urteak daramatza gainezka, bakarrik bidaiatzen duten milaka adin txikiko jasota, baina duela urtebetetik egoera kolapsotik gertu dago, eta hainbat talka eragin ditu Espainiako Gobernu sozialistaren eta Coalicion Canariak PPrekin batera gobernatzen duen erkidegoko exekutiboaren artean.
Eztabaida eta polemika Kanarietako Gobernuak argitaratutako protokoloak eragin du azken astean. Protokolo horrek esaten du adingabeen tutoretza Estatuari dagokiola hasiera batean, eta ohartarazten du ez dituela onartuko bere harrera-zentroetan, behar bezala identifikatuta iristen ez badira.
Hala ere, Kanarietako Justizia Auzitegi Nagusiak bertan behera utzi du protokolo hori.
Aurtengo uztailean eta abuztuan 6.267 pertsona iritsi dira itsasotik Kanarietara Afrikatik, 2023ko bi hilabete horietan baino 2.000 pertsona gehiago, Barne Ministerioko datuen arabera. Kanarietako Gobernua arduratu behar da adingabeez, baina gaur egun bere kargura 5.300 baino gehiago dituela nabarmendu du.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.