222 intzidentzia erregistratu zituen iaz Elebidek, gehienak esparru publikoan euskara ez erabiltzeagatik
Hizkuntza eskubideen urraketekin lotutako 222 intzidentzia erregistratu zituen 2023an Elebide Hizkuntza Eskubideak Bermatzeko Zerbitzuak, eta horietatik 176 izapidetu ziren, azken 6 urteotako daturik baxuena. Kexa guztien % 91,3 (147) esparru publikoan gertatutako eskubide-urraketak ziren. Gehienak, EAEko Administrazio Orokorrari (% 40,8) eta Toki Administrazioari (% 31,8) lotuta izan ziren.
Eusko Jaurlaritzak 2007an martxan jarritako zerbitzua da Elebide, eta helburua da hala eskatzen duten herritarrei hizkuntza-eskubideak babesten laguntzea, informazioa eta aholkularitza eskainiz. Herritarrek hizkuntzaren inguruan egindako kontsultak, iradokizunak eta kexak kudeatzen ditu. Gaur, zerbitzu horren iazko txostena onartu du Gobernu Kontseiluak.
Izapidetutako intzidentzietatik, 161 kexak izan ziren, eta 159 kasutan, euskara erabiltzeko eskubidearekin lotutako urraketa salatu zen. Soilik bi kasutan gaztelaniarekin lotuta egon zen eskubide urraketa. Gainontzeko intzidentziak kontsultak (11), eskaerak (2) eta iradokizunak (2) izan ziren.
Kexen tipologiari dagokionez, gehienak (49) idatzizko harremanetan gertatzen diren urraketekin lotutakoak izan ziren. Ahozko harremanetan izandako urraketekin zerikusia duten 43 kexa ere jarri ziren, eta hizkuntza-paisaian atzemandakoekin, beste 43.
Osakidetza izan zen kexa gehien jaso zituen erakundea: guztira, 26. Tokiko Administrazioari dagokionez, orotara 56 kexa jaso ziren, gehienak (48) Bizkaiko udalekin eta haren menpeko erakundeekin zerikusia zutenak.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.