Greenpeacek salaketa jarri du, Urdaibain Guggenheim museoa eraikitzeko Kostaldeko Legea urratu dutelakoan
Greenpeace talde ekologistak salaketa jarri du Auzitegi Nazionalean Espainiako Gobernuko Trantsizio Ekologikorako eta Erronka Demografikorako Ministerioren eta Eusko Jaurlaritzaren kontra —azken hori demandatu gisa pertsonatu da—, Urdaibaiko Biosferan Guggenheim museoa eraikitzeko Kostaldeko Legea urratzeagatik. Zehazki, Muruetako paduren babes eremua 100 metrotik 20ra murriztea salatu dute.
Babes gunea ez errespetatzeak Kostaldeko Legea bakarrik ez, Europako legedia ere urratzen duela erantsi du Greenpeacek ohar batean, Urdaibaiko padurak Red Natura 2000 babestutako eremuan daudela gogora ekarrita.
Lorea Flores Greenpeacek Hego Euskal Herrian duen eledunak ingurugiroa suntsituko ez duten proiektuen alde egin du. Haren hitzetan, "ezin dira interes pribatuei erantzuten dieten proiektuak diru publikoarekin sustatu, herritarren parte-hartzerik gabe eta herritarren kaltetan".
Salaketa formalki atzo aurkeztu bazuten ere, maiatzean hasi zuen Greenpeacek administrazioarekiko auzi-prozesua, Trantsizio Ekologikorako Ministerioak kaleratutako aginduaren kontra. Orain, Auzitegi Nazionalean salaketa aurkeztuta, "aurrerapauso bat" egin dutela ziurtatu du talde ekologistak.
Guggenheim berriak 61.000 metro karratu hartuko lituzke, bi egoitzatan banatuta: bata, Gernikako Dalia fabrika zaharrean, eta bestea, Muruetako ontziolaren inguruan. Floresek nabarmendu duenez, eraikinok lotuko dituen bidea babestutako eremua da eta aurreikuspenen arabera, milaka bisitari hartuko lituzke museoa bertan eraikiz gero. Horrek inguruari eragingo lioken kaltea konponezina dela gehitu du, eta proiektua berehala geldiaraztea eskatu.
Hurrengo egunotan igorriko die Auzitegi Nazionalak Espainiako Gobernuari eta Eusko Jaurlaritzari talde ekologistak salaketan aurkeztutako idatzia, azter dezaten.
Bere aldetik, atzoko Gobernuko Kontseiluaren ondorengo agerraldian, Maria Ubarretxena Eusko Jaurlaritzako bozeramaileak esan zuen Guggenheim Urdaibairen proiektua "Gobernu Programan jasota" dagoela, eta ez dutela atzera egingo. Gaiaren inguruan "iritzi kontrajarriak" daudela jakitun, herritarren "entzute aktiboa" martxan jarriko dutela agindu zuen. "Ez da museo bat bakarrik, bailara oso bat biziberritzeko proiektua da", zehaztu zuen.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.