Etxebizitzen prezioak nabarmen egin du gora azken hamarkadan, baina 2007ko mailara iritsi gabe
2008an higiezinen burbuila lehertu zenean eta krisia hasi zenean, etxeak erosteari utzi zion jendeak. Gainera, ordura arte etxebizitzek izan zituzten prezioak eta kontratatutako hipotekak jasanezinak ziren familia askorentzat. Handik aurrera, prezioak merkatzen hasi ziren, harik eta 2015ean behea jo zuten arte.
Azken hamarkada honetan berriz ere goranzko bidean joan badira ere, oraindik ez dute 2007ko mailarik harrapatu: 2.957 €/m2 eta 1.927 €/m2 gelditu dira, hurrenez hurren, EAEn eta Nafarroan, burbuila lehertu aurretik baino % 13 merkeagoak dira EAEn eta % 9 Nafarroan.
Alabaina, biek ala biek gainditzen dute Estatuko batez besteko prezioa, batik bat EAEk, % 63 altuagoa baita.
Eskualde batetik bestera, ordea, alde nabarmena dago prezioetan. Arabako Errioxa da gunerik merkeena, metro karratua 976 eurotan saltzen baita. Garestiena, ostera, Donostialdea da; hango prezioak ia boskoizten dira (4.419 € / m2).
EAEko hiru lurraldeetan hiriburuak dira prezio altuenak dituztenak. Gainerakoan, aipagarria da Aiaraldea eta Goierri direla batez besteko 2.000 eurotik jaisten diren eremu bakarrak.
Etxebizitzen salerosketen eta kontratatutako hipoteken kopuruak ere prezioen ibilbide berbera egin du azken 15 urteetan.
Salerosketei dagokienez, 2007an 35.000 etxe baino gehiago saldu eta erosi ziren. Beherantz hasi ondotik, gutxieneko maila 2015ean izan zen eta 15.000 etxe inguru salerosi ziren. Ondoren, merkatua suspertzen joan zen, zazpi urtez. 2023an, ordea, beherantz egin du pixka bat berriz ere.
Gipuzkoak izan du susperraldirik handiena eta 2007ko salerosketa zifrak gainditu zituen 2022an. Donostialdea, Urola-Kosta eta Bidasoa Beherea eskualdeetan susperraldia nabarmena izan da. Mugimendu motelenak izan dituzten eskualdeen artean, aldiz, Arabako Lautada, Durangaldea edota Erribera daude.
Hipotekak
Azken urteak euriborrari begira egin ditu herritar askok, aspaldiko altuenean ibili da eta. Hala ere, kontratatuko hipoteken kopuruak eta horien baitan eskatu den diru kopuruak gora egin du hamar urtetan.
2023an, eskatutako batez besteko zenbatekoak 159.252 eta 133.299 eurokoak izan dira, EAEn eta Nafarroan. Horrek nabarmen gainditzen du 2013ko batez besteko balioa, % 32,1 igo da EAEn eta % 22,4 Nafarroan.
Hipoteken kopurua ere igo egin da 2022 arte, baina prezioetan bezala, jaitsiera nabari da 2023an.
Etxebizitza motak
Sektoreko adituen arabera, azken urteetan ez da eraiki merkatuak eskatzen dituen adina etxebizitza. Horrela, EAEn bigarren eskuko etxeak salerosi dira, batik bat, dira 2023an (% 84,3). Salerosten diren lehen eskuko eta bigarren eskuko etxebizitzen kopurua ere nabarmen aldatu da azken urteetan.
Aldaketa handiena Araban eta Nafarroan gertatu da urteotan, bigarren eskuko etxebizitzen salmenta 44 eta 34 puntu igo baita, hurrenez hurren.
Horrelako etxebizitzen kuotarik txikiena Urola Kostan (% 56), Iruñerrian (% 60,3) eta Debagoienan (% 69,7) dago.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.