Kabiaren inguruko azken sententzia "euskarafoboa" salatzeko elkarretaratzea egin dute Donostian
ELA eta LAB sindikatuek eta Euskalgintzaren Kontseiluak elkarretaratzea egin dute astelehen honetan Donostian, Gipuzkoan egoitzetako zaintzaileen 54 plazaren deialdia baliogabetu duen epaiaren aurrean "haserrea" adierazteko eta "azken sententzia euskarafoboa" salatzeko.
Joan den astean, Donostiako Administrazioarekiko Auzitegiak atzera bota zuen Kabia erakundeak Gipuzkoako hainbat adinekoen egoitzatan 54 lanpostu egonkortzeko egindako lan-eskaintza publikoa, euskara eskakizuna gehiegizkoa eta baztertzailea zela argudiatuta. Gipuzkoako Foru Aldundiaren menpeko erakundea da Kabia eta adineko pertsonentzako hamasei egoitza eta eguneko zentro kudeatzen ditu lurralde osoan.
Ebazpen judizial horren berri izan ondotik, ELA sindikatuak "euskarofobotzat" jo zuen epaia, eta LABekin eta Euskalgintzaren Kontseiluarekin batera elkarretaratzea deitu zuen gaurko.
Deitzaileek protesta isila egin dute Foru Jauregiaren aurrean, eta 150 pertsona inguru bildu dira bertan, "Euskaldunon hizkuntza eskubidea bermatzeko bidea orain" leloa zeraman pankarta baten atzean.
ELAko bozeramaile Txomin Lasak "oso larritzat" jo du, eta gogorarazi du "langileen hizkuntza eskubideez gain", "euskaraz artatuak izateko eskubidea" urratzen zaiela egoiliarrei erabaki horrekin. Testuinguru horretan, Diputazioari eta Kabiari berari eskatu die sententzia horren aurrean helegitea aurkez dezaten.
Horrez gain, dei egin du arratsaldean eta bihar, asteartea, Tolosan, Bergaran eta Irunen epaiaren aurka egingo diren elkarretaratzeetan parte hartzeko.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoa (MIT) lehen postuan mantentzen da hamalaugarren urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.