Bi atxilotu oliba-olio ontziak aizundu eta Bizkaiko ostalaritza-establezimenduetan banatzeagatik
Guardia Zibilak bi pertsona atxilotu eta bi gehiago ikertapean jarri ditu ditu, iruzur eta osasun publikoaren aurkako delituak egotzita, oliba-olioa faltsutu eta Bizkaiko ezkerraldeko hainbat ostalaritza-establezimendutan banatzeagatik.
Atxilotuetako baten etxebizitza zen, hain justu, olioa nahasteko erabiltzen zuten zentro klandestinoa, eta oso higiene egoera eskasetan aritzen zirela adierazi du Poliziak.
Ikerketa martxoan abiatu zen, Jaengo olio-kooperatiba ezagun baten presidenteak ohartarazi zuenean 5 litroko oliba-olio birjin estra ontziak saltzen ari zirela, horren markaren izenaz baliatuta.
Guardia Zibilak salatzaileetako baten ontzia eskuratuzea lortu zuen hura ikertzeko asmoz, eta egindako ikerketek ondorioztatu zuten bidoiaren edukia eta etiketa ez zetozela bat eskainitako produktuarekin.
Ikerketan zehar, agenteek ikusi zuten talde kriminaleko kideek oliba-olio birjina estra merkaturatzen zutela, aurretik aizundutako 5 litroko ontzietan, kalitate txikiagoko produktuak nahastuta edo kanpoko etiketak ordeztuta saltzen zituztela.
Santurtzi, Ortuella, Zierbena, Gallarta...
Prestatutako eta nahastutako ontzi horiek Santurtzi, Ortuella, Zierbena, Gallarta, Muskiz eta Portugaleteko zenbait taberna eta jatetxetara eramaten zituzten.
Urriaren 16an, Guardia Zibilak Santurtziko etxebizitza bat miatu zuen. Bertan, betetzeko prest zeuden garrafa eta botila ugari eta etiketa faltsutuak aurkitu zituzten, baita nahasketak egiteko hainbat tresna eta 65 litroko ontzi urdin bat. Horrekin batera, 11 miaketa egin zituzten ezkerraldeko hainbat udalerritako ostalaritza-establezimenduetan, eta aizundutako hainbat bidoi eta botila atzeman zituzten.
Orain arte bi pertsona atxilotu eta beste bi ikertu dituzte osasun publikoaren aurkako delituengatik, elikagaiak faltsutzeagatik, iruzur egiteagatik, jabetza industrialaren aurka egiteagatik eta talde kriminaleko kide izateagatik.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.