Saldutako etxebizitzen % 5 izan da babes ofizialekoa 2023an
Azken urteotan merkatura atera izan diren babes ofizialeko etxebizitzen (BOE) zati handi bat alokairuan irteten da eta BOEen salerosketa asko jaitsi da. 2023an erosi eta saldu ziren etxebizitzen % 5 soilik zen babes ofizialekoa.
Lehendabizi higiezinen krisia etorri zen, ondoren promozio falta eta azkenik alokairua bultzada eman dion Etxebizitzaren Legea.
2007an hamar operaziotik batean etxebizitza babestuak salerosten ziren: % 36,3 Araban, % 11,1 Bizkaian, % 8,9 Gipuzkoan eta % 11,4 Nafarroan. Iaz, ordea, ehuneko horiek nabarmen baxuagoak izan ziren: % 6,4 Araban; % 3,2 Bizkaian; % 4,3 Gipuzkoan eta % 4,8 Nafarroan.
Urte hauetan sustapen pribatuak (promozio pribatuko BOEak) egonkorrago mantendu dira sustapen publikoak (erakunde publikoen promozioak) baino.
Sustapen publikoek galera handiak izan dituzte 2017tik. Hainbat urtetan (2017 eta 2020 kasu) ez zen promozio publiko bakar bat ere amaitu. Sustapen pribatuek ere beherakada izan dute, eta erdira jaitsi dira azken 10 urteetan.
Lurraldez lurralde begiratuta ere sustapen pribatuak egonkorrago mantendu dira.
Araban, adibidez, nabarmentzekoa da ez zela sustapen publikorik egin 2015 eta 2020 artean, ezta 2024an ere.
Gipuzkoan kontrakoa pasa da. 2018tik hazi egin da sustapen publikoa eta datu altuak izan ditu 2023an eta 2024an: hurrenez hurren, % 61,54 eta % 68,22 publikoak izan dira.
Azkenik, Bizkaian indartsuago dago promozio pribatua. Urte batzuetan beherakada txikiak izan baditu ere, 2024an % 100era iritsi da.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.