Generalitateak toki berera deitu ditu boluntario guztiak, laguntza antolatzeko eta sarbideak ez oztopatzeko
Carlos Mazon Valentziako Generalitateko presidenteak boluntarioei larunbatean, 7:00etan, Valentziako Arte eta Zientzien Hirian egon daitezela eskatu die, lantaldeak antolatzeko eta ordenaz eta segurtasunez eramateko, taldeka, laguntza behar duten lekuetara.
Mezu instituzional batean, Mazonek azaldu du Valentziako leku horrek boluntarioak hartzeko zentro gisa funtzionatuko duela, Valentziako herriari eskaintzen ari zaizkion laguntza eta elkartasuna bideratzeko.
Mazonek eskerrak eman dizkie boluntarioei, eta esan du "erreferentzia" izaten ari direla erakutsitako elkartasunagatik.
Valentziako Gobernuak eskatu du inor ez dadila goialdeko depresioak bortizkien kaltetutako herrietara joan, ez oinez, ezta autoan ere, toki horietako sarbideak jendez betetzen ari direlako, eta, ondorioz, larrialdi zerbitzuen lana oztopatzen dabiltzalako.
Generalitateak "esker ona" adierazi die laguntzen ari diren pertsona guztiei, baina galdegin die kaltetutako lekuetara ez joateko, sarbideak jendez betetzen ari direlako, "larrialdi zerbitzuei lana eragotziz".
Bestalde, Valentziako errepideetan joan-etorriak saihestea gomendatu du Espainiako Trafiko Zuzendaritza Nagusiak, arrazoi bera tarteko.
Zirkulazio mugatua udalerrietako sarbideetan
Valentziako Generalitateak erabaki du ibilgailu partikularren zirkulazioa murriztea gehien kaltetutako udalerrietara sartzeko bideetan. Vicente Martinez Mus Azpiegitura kontseilariak iragarri duenez, agindua asteburu osoan egongo da indarrean. Debekatuta geratuko da autoz ibiltzea zenbait bidetan, funtsezko zerbitzuentzat eta uraren, energiaren, komunikazioen eta elikagaien hornidura bermatzeko ardura duten enpresentzat izan ezik.
Gainera, salbuetsita geratuko dira adinekoei, adingabeei, mendeko pertsonei, desgaituei edo bereziki kalteberak direnei laguntzeko eta zaintzeko herrietan sartu behar direnak.
Kontseilariak nabarmendu du "garrantzitsua" dela laguntza bideratzea eta ahalik eta eraginkorrenak izatea, "Valentziako Erkidegoak pairatzen duen zorigaitzari aurre egiteko". "Eta antolatzeko moduak neurri horiek eskatzen ditu eraginkorragoak izan ahal izateko", errepikatu du.
WhatsApp kanal bat zabaldu dute laguntza bideratzeko
Generalitateak, beste erakunde batzuen laguntzarekin, WhatsApp kanal bat zabaldu du (bost telefono zenbakirekin), herritarren eta erakunde zein enpresen laguntzak bideratzeko. Horrekin lortu nahi dute laguntza "modu eraginkorrean" bideratzea, lehentasunak aintzat hartuta.
Eskualdearen arabera, telefono batera edo bestera deitu edo idatzi beharko dute herritarrek: Utiel, 659289726; Horta hegoaldea, 682177249; Erribera, 619975059; Hoya de Buñol 690027099, eta Castello, 679161664.
Zure interesekoa izan daiteke
Artxandako funikularra itxi egin dute hiru egunez, mantentze lanak direla eta
Udalak jakinarazi duenez, autobus zerbitzu berezia (E5 linea) martxan jarriko da, Bilbo eta Artxandaren arteko garraioa indartzeko. Zerbitzu hori A7 lineako ohiko autobusaren osagarri modura emango da, azken horrek normaltasunez jarraituko baitu.
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.