Uholdeak Bartzelonan eta atzerapenak Prat aireportuan, euriteen ondorioz
Azken egunetan bereziki Valentziako probintzia astindu duen goialdeko borraskak (goi-geruzetako depresio isolatua edo GOIDI ere deitua) iparralderako bidea egin du azken orduetan, eta uholdeak eragin ditu Katalunian. Euriteen ondorioz, hainbat errepide urak hartu ditu eta arazoak sortu dira, besteak beste, Bartzelonako Prat aireportuan.
AEMET Espainiako Meteorologia Agentziak alerta maila gorena ezarri du (gorria) Bartzelonako Garraf eta Barcelones eskualdeetan, eta Kataluniako Generalitateak alerta mezuak bidali ditu eskualde horietako telefono mugikorretara. Besteak beste, beharrezkoak ez diren joan-etorriak saihesteko eta erreka eta ibai inguruetatik aldentzeko eskatu die herritarrei.
Eguraldi iragarpenaren arabera, metro koadroko 180 litro pilatu daitezke 12 orduan Bartzelonako kostaldean, bereziki, Baix Llobregat eskualdean —Castelldefels eta Gava— eta inguruetan.
Kataluniako Generalitateko Babes Zibilak alerta mezuak ere bidali ditu Baix Llobregat, Maresme, Valles mendebaldea eta Valles ekialdeko telefono mugikorretara.
Beste aireportuetara bideratutako eta atzeratutako hegaldiak, Bartzelonako aireportuan
Euriteen ondorioz, hainbat hegaldi atzeratu eta gutxienez 15 beste aireportuetara bideratu egin behar izan dituzte Josep Tarradellas Barcelona-El Prat aireportuan.
Oscar Puente Espainiako Garraio ministroaren arabera, Bartzelonako aireportuan krisi batzordea osatu dute, egoera bertatik bertara jarraitzeko. X sare sozialean zabaldutako mezu batean azaldu duenez, T1 terminala eta aparkalekua dira tokirik kaltetuenak.
Kataluniako aldirietako eta distantzia erdiko tren zerbitzua, bertan behera
Renfek bertan behera utzi du astelehen honetan Kataluniako aldirietako eta distantzia erdiko tren zerbitzua, Rodalies deiturikoa.
Hala ere, bidean zeuden trenak helmugara iritsi dira.
Zure interesekoa izan daiteke
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.
'Aita Mari'k 53 pertsona lehorreratu ditu Italian, hiru egunez nabigatu ostean
Aita Marik pasa den ostiralean Mediterraneoan erreskatatutako 56 lagunetik 53 lehorreratu ditu Italiako Brindisi portuan. Izan ere, bi hilabeteko haur bat eta haren gurasoak Italiako kostazainek artatu zituzten, haurrak muturreko desnutrizioa eta deshidratazioa zituelako.
Ehunka lagun elkartu dira Zestoan, "elkartasun feministagatik" auzipetutako sei pertsonen aldeko elkarretaratzean
Herriko sei bizilagun epaituko dituzte datorren astean, integritate moralaren aurkako delitua egotzita. Akusatuetako emakumeetako baten bikotekide ohia da salaketa jarri duena, kalte egin diotela bere izen onari argudiatuz, duela urte batzuk indarkeria matxista leporatu ziotelako.
8 urteko haur bat harrapatu dute Iruñeko Marcelo Celayeta etorbidean
Haurrak izaera erreserbatuko polikontusioak jasan ditu, eta Nafarroako Unibertsitate Ospitalera eraman dute.