100.000 lagun elkartu dira berriro Valentzian Mazonen dimisioa eskatzeko, GOIDIa izan zenetik hilabetera
100.000 pertsonak hartu dute parte larunbat arratsaldean Valentzian, Gobernuaren Ordezkaritzaren arabera, Carlos Mazon presidentearen dimisioa eskatzeko egin den manifestazioan, "berreraikuntzarako ezgaituta baitago, bai moralki bai etikoki", protestaren antolatzaileek ohartarazi dutenez.
Duela hilabete inguru Valentzian sufritu zuten GOIDIaren kudeaketa okerra salatzeko egiten duten bigarren mobilizazio handia izan da gaurkoa (130.000 pertsonak parte hartu zuten azaroaren 9ko martxan).
"Hilabete geroago, gure herri eta hiriek suntsituta jarraitzen dute. Gobernu hau ezgaituta dago saltzen duten berreraikuntza hori egiteko, bai moralki bai etikoki ", adierazi du Anna Oliver deitzaileetako batek martxa hasi aurretik komunikabideei egindako adierazpenetan.
Izan ere, Mazonek azaroaren 15ean Valentziako Parlamentuan egindako agerraldia "lotsagarria" ikusita, beharrezko jo dute berriro ere kalera ateratzea. "Ez zuen barkamenik eskatu, ez zuen gertatutakoaren azalpen arrazoizkorik eman, eta kea baino ez zuen saldu", salatu du Oliverrek.
"Suntsipenaren gobernua dira, gobernu militarizatua dira, zigortutako eta ustelkeria kasuei lotutako enpresei dirua ematen ari zaien gobernua. Ez dugu nahi haiek zuzentzea berreraikuntza", adierazi du.
Alexandra Uso bozeramaileak ere salatu du tragedia gertatu eta hilabetera, herriek "hirugarren munduan bageunde bezala" jarraitzen dutela, eta ez direla "laguntzak iritsi". Pertsonek "sufritzen" jarraitzen dutela gogorarazi du eta, horregatik, "Mazonen gobernuari eta, zehazki, Mazon jaunari erantzukizunak argitzeko" eskatu dio. "222 biktimen omenez, oraindik desagertuta dauden lau pertsonen omenez, lanpostua eta etxeak galdu dituzten milaka pertsonen omenez, Valentziako herria ez da geldituko duintasuna, justizia eta ordaina izan arte", adierazi dute bozeramailekideek.
Manifestazioan zehar, "Mazon dimision", "El president a Picassent", "Mazon, asesino", "Mazón dinava, el poble s'ofegava" edota "No son morts, son assassinats" bezalako leloak entzun dira.
Hildakoak izan diren herri guztien izenak eta hildakoen kopuruak idatzita zeramatzaten kartelak ere ikusi dira martxan.
Hainbat eta hainbat lagun oinez joan dira Valentzia hiriburura, inguruko herrietatik, hildakoen omenez.
Manifestazioaren amaieran minutu bateko isilunea egin dute dute hildako 222 lagunak gogoan.
Albiste gehiago gizartea
Getxoko Areetako hondartza hustu dute lehergailu bat izan daitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko udaltzaingoak hondartza hesituta edukiko dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.