Saihesbidea jarri dute N-1 errepidean, Idiazabalen, astelehenean izandako luiziaren ostean

Astelehenean izandako harri eta lur-jausiaren ondorioz, saihesbide bat jarri dute N-1 errepidean, Idiazabal parean (Gipuzkoa), Donostiarako noranzkoan itxita zegoen zatian, Segurtasun Sailak jakitera eman duenez.

Lur-jausia 19:30 aldera gertatu zen Etzegarate gainaren jaitsieran, eta bertatik pasatzen ari ziren hiru ibilgailuk talka egin zuten, baina ez zen inor zauritu. Luiziaren ondorioz, hasiera batean A-15 autobidetik desbideratzea ezarri zuten, Altsasutik, Donostiarako noranzkoan.

Atzo, 15:00ak aldera, saihesbidea jarri zuten martxan, eta ibilgailuak N-1 errepidetik joan daitezke, bi noranzkoetan, luiziak eragindako zatian.