"Rave" handi batek milaka lagun bildu ditu Ciudad Realeko aireportu parean
Baimenik gabeko rave handi batek, Big Fucking Party 2025 izenekoa, milaka lagun bildu ditu (Espainiatik zein Europa osotik joandakoak) Ciudad Realeko aireportu parean dagoen industrialde batean.
Espainiako Poliziaren arabera, aurten 5.000 pertsona eta 1.500 ibilgailu baino gehiago bertaratu dira jaira.
David Broceño Espainiako Gobernuak Ciudad Realen duen ordezkariordeak jakinarazi duenez, ez dute eremua husteko asmorik, bildutako jendetza dela eta. "5.000 lagun bertatik ateratzea konplexua izan daiteke", azaldu du. Dena dela, argitu du "agindu judizialik balego" beteko luketela, baina euren asmoa "dena lasai joatea" dela nabarmenduta.
Broceñoren arabera, Ciudad Realeko aireportua kudeatzen duen enpresak, Ciudad Real International Airport (CRIA) konpainiak, salaketa jarri zuen atzo jaiaren antolatzaileen kontra, lurzorua legez kontra okupatzea egotzita.
Ravea Urtezaharrean hasi zen
Ricardo Chamorro Ciudad Realeko alkateordea eta Segurtasun zinegotziak gogorarazi duenez, iazko edizioa Fuente Alamoko (Murtzia) lursail batean izan zela, eta aurrekoa La Pezan (Granada), 8.000 lagun inguru bilduta.
Makrojaia abenduaren 31n hasi zen, Urtezaharrean. Milaka ibilgailuk A-43 autobidea, Ciudad Real Puertollanorekin lotzen duena, kolapsatu zuten, eta egoera ikusita, errepide hori ez erabiltzeko deia egin behar izan zuten Estatuko segurtasun indarrek.
Aurten Ciudad Realeko aireportuaren lurzorua aukeratu dute Big Fucking Party jaialdiaren antolatzaileek.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.