Goiz beltza Nafarroako errepideetan: hiru pertsona hil dira Itzan eta Berriobeitin izandako istripu banatan
Guztira, hiru pertsona hil dira gaur Nafarroan izandako istripuetan. Goizean goiz, bi pertsona zendu dira Añezkarren (Berriobeiti, Nafarroa). Handik ordubetera gertatu da bigarren istripua, kasu honetan, Itzan; pertsona batek bizia galdu du han.
Berriobeitiko ezbeharra 06:30ean jazo da N-240-A errepideko (Gasteiz-Iruñea) 9,4 kilometroan. Ezbeharraren unean, behe laino itxia zegoen eremuan. Dena dela, ez dakite horrek egin ote duen istripua, eta Guardia Zibilak ikerketa abiatu du. Irurtzun aldera zihoazen bi autok aurrez aurre talka egin dute, eta horietako bat kontrako noranzko erreian sartu da; kamioi baten kontra jo du. Bi autoetako gidariak hil dira, 53 eta 57 urteko bi iruindar.
Armatutako institutuak ez du argitu zendutakoak zein ibilgailutan zihoazen, ezta auto berean zeuden ere. Errepidea guztiz itxita egon da tarte batez, baina ireki dute berriro.
Berriozarko Udalak bi dolu egun ezarri ditu Jose Manuel Caballero Casado langilea trafiko istripuan hil eta gero. Bozeramaileen Batzordeak bere atsekabe sakona adierazi du, eta elkartasuna eta babesa adierazi die hildakoaren familiari, lagunei, lankideei eta, era berean, Berriozarko herriari.
Ordubete geroago, 07:25ean, jazo da Itzako istripua. NA-7010 errepidetik, Irurtzun eta Astriain lotzen dituen bidetik, zihoan auto bat bidetik irten eta erre egin da. 28 urteko gidaria bertan hil da.
Iaz 23 pertsona hil ziren Nafarroako errepideetan.
Albiste gehiago gizartea
Perez Iglesias, IBMren ordenagailu kuantikoaz: "Zientziaren munduan punta-puntan lan egiten duten pertsonak erakarriko ditu"
Eusko Jaurlaritzako Zientzia, Unibertsitate eta Berrikuntzako sailburu Juan Ignacio Perez Iglesiasek Radio Euskadiko "Boulevard" saioan adierazi duenez, IBMk aurten Donostian instalatuko duen superordenagailu kuantikoaren piezak dagoeneko Ibaetan dira. Sailburuaren ustez, "zientziaren munduan punta-puntan lan egiteko gaitasun handia duten pertsonak erakartzeko gunea izango da".
Euskal herritar adingabe bat hil da Castro Urdialesen, eremu harritsu batetik erorita
12 urteko gazteak bularrean kolpea hartu zuen, eta Santanderreko Valdecilla Ospitalera eraman zuten.
Sutea izan da Tarifan, eta errepide bat itxi eta kanpin bat hustu behar izan dituzte
Sutea piztu da turistaz betetako Cadizko udalerriko La Peña inguruan, eta zenbait toki hustu behar izan dituzte. Tartean, kanpin bat. Ehun bat suhiltzaile sua kontrolatzeko lanean ari dira.
Foru Gobernuak "lasaitasuna" eskatu du Izarbeibarko sutearen aurrean: "Ez du herrigunerik kaltetu"
Amparo Lopez Barne, Funtzio Publiko eta Justizia kontseilariak "lasaitasun" mezua zabaldu du Muruzabal, Eneritz, Añorbe eta Obanosen artean piztutako sutearen aurrean, "ez baitago, a priori, herrigunerik kaltetutaa". "Eta ez dugu uste gertatuko denik", gaineratu du. Bestalde, Maria Chivitek Nafarroako presidenteak eskertu egin du "inguruko alkateekin izaten ari garen lankidetza perfektua".
Abuztuaren 29an gauez ez da jairik izango Bakion, ekitaldiak bertan behera utzi ostean "indarkeria areagotu delako"
"Hainbat eraso matxista eta borroka izan dira, eta jai giroa hondatu dute", azaldu du Bizkaiko Udalak. Hori dela eta, San Joan Doloz gauean ez da DJ ikuskizunik izango.
Bizkaiko 17 udalerritako hegazti-ustiategiak konfinatu dituzte, hegazti-gripearen hainbat kasu agertu direlako
Ezarritako babes- eta zaintza-eremuak udalerri hauetan ezarri dira: Lemoiz, Bakio, Gorliz, Barrika, Sopela, Mungia, Maruri, Plentzia, Urduliz, Getxo, Berango, Gatika, Laukiz, Leioa, Erandio, Loiu eta Derio.
Fauna basatia sendatzeko Gorlizko zentroak abeletxeko hegazti guztiak hil ditu, eta inguruko udalerrietan prebentzio-neurriak ezarri dituzte
Zentroak hegazti gripearen bi kasu atzeman ditu, eta, iragarri dute, ondorioz, zentroa bera kutsatu egin dela. Hala, alde batetik, abeletxeko hegazti guztiak hil dituzte, eta, bestetik, inguruko herrietan prebentzio-neurriak ezarri dituzte.
Egonkortu egin dute Izarbeibarren piztutako baso-sutea
Muruzabal, Eneritz, Añorbe eta Obanos herrietan piztutako baso-suteak uzta bilduta zeuden hainbat zereal-soro eta pinudi bat kaltetu ditu. Suhiltzaileek gau osoa eman dute bertan, eta lanean jarraitzen dute goizean. Artaxoan piztutako bigarren sute baten ondorioz, NA-132 eta NA-6020 errepideak itxi behar izan dituzte, baina biak zabaldu dituzte dagoeneko.
Bizkaiko Aldundiak esan du hegazti-gripe kasuek ez dutela inor "ustekabean" harrapatu, eta gaitza ez dela gizakion osasunerako kaltegarria
Iñaki Arrazola Aldundiko Abeltzaintza zerbitzuburuak Radio Euskadin azaldu duenez, hegaztien sektoreak "erne" egon behar du birusaren aurrean.
Elvia Gomez nafarrak Young Scientific Explorer Award saria irabazi du, 13 urterekin
Lau urterekin elur-oreinen aztarnak arakatzera joan zen Finlandiara, eta orain, 13 urterekin, Eguesibarreko gazteak Young Scientific Explorer Award saria jaso du. Gainera, Elvia Gomezek arrakasta handia du Instagramen (@elvialarastreadora), animaliei buruzko bitxikeriak kontatzen baititu.