Bederatzi zauritu, horietako bi larri, Noaingo etxebizitza batean izan den gas ihes baten ondorioz
Gutxienez bederatzi pertsona zauritu dira gaur arratsaldean, horietako bi larri, Noaingo (Nafarroa) etxebizitza multzo batean, gas ihes baten ondorioz gertatu den leherketan.
Zehazki, zazpi pertsona eraman dituzte Nafarroako Unibertsitate Ospitalera, Iruñean: 22 urteko gizon bat larri dago ZIUn; 13 urteko adingabe bat ere larri dago ZIUn; 57 urteko gizon bat, 54 urteko gizon bat, 49 urteko emakume bat eta 49 urteko gizon bat, laurak behaketapean daude, pronostiko erreserbatuarekin, eta 58 urteko gizonezko bat, balorazio-prozesuan, kolpe anitz dituelako.
Bestalde, bi pertsona Noaingo osasun-zentrora eraman dituzte antsietateak jota eta kea arnasteagatik, baina alta eman diete dagoeneko.
Sebastian Marco alkateak azaldu duenez, "leherketa izugarria izan da, baina, zorionez, ez dago zauritu larririk".
Nafarroako Gobernuak eitb.eus-i jakinarazi dionez, arratsaldeko lehen orduan, 15:30 aldera, segurtasun-dispositibo bat jarri dute Zabalegi Kontzejuaren kalean, etxebizitza batean gas-ihesa eta leherketa txiki bat izan delako. Bizilagunak etxeetatik atera dituzte eta gertaera hori zauriturik gabe eta kalte gutxirekin amaitu da, Foruzaingoak X sare sozialeko profilean zabaldu duenez.
Baina, ondoren, argitu gabeko arrazoiengatik, beste leherketa bat izan da. Handiagoa bigarrena. Hamar bat etxebizitza hustu dituzte lehen gertakariaren ondoren, eta horietako batean izan da leherketa, 18:10 aldera, ezustean.
Enpresa hornitzaileko teknikariak gas-fluxua behin betiko mozteko lanean aritu dira arratsaldean, eta suhiltzaileak, berriz, etxebizitzak aireztatzeaz arduratu dira, gas-poltsak sor ez zitezen.
Leherketaren ondorioz, 250 bizilagun etxetik atera dituzte eta horietako askok senideen eta bizilagunen etxean igaroko dute gaua. Guztira, 30 atari eta 100 etxebizitza inguru hustu behar izan dituzte. Noaingo Udaltzaingoa arduratu da kaltetutako blokeetako gainerako bizilagunak inguruko hoteletan birkokatzeaz.
Kaltetutako eremua zigilatuta eta gas eta argindar hornidurarik gabe geratu da. Behin ihesa konponduta, tokiko agintariek etxeetara sartzen utzi diete bizilagunei, dokumentazioa, botikak eta norberaren gauzak jasotzeko, baina etxebizitzak itxita geratu dira.
Foruzaingoa eta Guardia Zibila batera ari dira istripuaren arrazoiak ikertzen.
Alkateak EITBri jakitera eman dionez, bizilagunak ez dira gaur gauean itzuliko.
Sareetan zabaldu diren irudietan, sua eta etxebizitza bateko fatxadaren zati handi bat behera etorri dela ikusten da:
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.