EAEko biztanleek batez beste 83 € ordaintzen dituzte urtean botiketan; 112 € Nafarroan
Euskal Autonomia Erkidegoko biztanleek batez beste 83 euro ordaintzen dituzte urtean farmazia-produktuetan euren poltsikoetatik. Kopuru hori Nafarroakoa baino apalagoa da, foru erkidegoan batez beste 112 euro ordaintzen baitituzte.
Zuzeneko gastua % 51 igo da azken hamarkadan Nafarroan, eta % 15, EAEn. Hainbat faktorek dute eragina bilakaera horretan: medikamentuen prezioen igoerak (batez ere errezetarekin erosten ez direnak), kostu handiagoko produktuen kontsumoak, errezetarik gabeko produktuen kontsumo handiagoak...
Estatuan, herritarrek batez beste 109 euro ordaintzen dituzte zuzenean, pertsonako eta urteko. Gastu handiena Madrilen dute (151 €), eta txikiena, berriz, Extremaduran (73 €). Europako beste herrialde batzuei begiratuz gero, Italia eta Finlandia dira produktu farmazeutikoetan zuzeneko gastu handiena duten herrialdeak (231 eta 196 €, hurrenez hurren). Kontrara, Frantziak (55 €) eta Herbehereek (67 €) dute gasturik txikiena.
Alabaina, pazienteek zuzenean poltsikotik ordaintzen dutena botiken gastu osoaren zati txikiena da, fakturaren zati nagusiak estaldura publikoa baitu. EAEn, botiken kostu osoaren % 74 laguntzen da diruz; Nafarroan, berriz, % 68.
Kostu orokorra kontuan hartzen badugu, zuzenekoa eta diruz lagundutakoa batuta, EAE eta Nafarroa dira sendagaien kontsumoan gutxien gastatzen duten Estatuko autonomia-erkidegoetako bi. Hain zuzen ere, EAE zerrendako azken-aurreko postuan dago, urtean pertsonako 319 euro gastatzen baititu. Katalunia bakarrik dauka atzetik, 315 eurokoa gastua baitu.
Nafarroan, gastua zertxobait handiagoa da (352 €), baina Estatuko autonomia erkidegoek batez beste gastatzen dutena (383 €) baino gutxiago ordaintzen du. Galizia eta Kantabria dira pertsonako urteko gasturik handiena duten bi erkidegoak, 456 eta 450 eurokoa baita, hurrenez hurren.
Kostua handitzeko arrazoietako bat biztanleriaren zahartzea da, eta, horrekin batera, sendagaiak behar dituzten gaixotasun kronikoen gorakada. Azken 40 urteetan, 85 urtetik gorako biztanleria boskoiztu egin da EAEn. Ikerketan aurrera egiteak eta farmako berriak garatzeak horien erabilera sustatzen dute, eta, ondorioz, kostuaren igoeran euren aletxoa jartzen dute.
Aitzitik, bizimodu osasuntsuagoa izateak farmakologiaren erabilera murrizten laguntzen du. Era berean, medikamentu generikoak erabiltzeak ere lagundu egiten du, horien erabilerak "medikamentuen kostua % 40 eta % 60 artean murrizten baitu", Medikamentu Generikoen Espainiako Elkartearen (AESEG) arabera.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.