EAEko gizon gazteen % 22,5ek maskulinitate tradizionalarekin bat egiten dute
Euskal Autonomia Erkidegoko gizonen % 43,2k ez dute bat egiten maskulinitate tradizionalaren ereduarekin, eta berdintasunezko ereduak jartzen dituzte praktikan. Soilik % 7k kokatu dute euren burua maskulinitatearen ikuspegi kontserbadorearekin. Gainerako % 49,8ak erdibidean daude.
Gazteenak dira (15 eta 19 urte artekoak) maskulinitate tradizionalaren estereotipoekiko joera handiagoa dutenak, zaharrenekin alderatuta. Mutil gazteen % 22,5 daude maskulinotasun hegemoniko tradizionalarekin lerrokatuta. Ekosistema digitalean geroz eta ugariagoak diren berdintasunaren aurkako narratiba misoginoen ondorio da jarrera hori.
"Maskulinitatearen kutxa Euskadin. Maskulinitatearen eraikuntza, jarrerak eta inpaktua euskal biztanlerian" azterlanak azaleratu dituen ondorioetako batzuk dira horiek. Emakundek eskatuta, Reina Sofia FAD Juventud fundazioak egin du ikerketa, eta emaitza gaur aurkeztu dute Gasteizen, Europa Jauregian antolatu duten jardunaldian.
Kontzeptu analitiko bat da "maskulinitateren kutxa" izenekoa, eta pertsonak maskulinitatearen ikuspegi tradizional eta kontserbadorearen inguruan duten hurbiltasun edo urruntasuna azaltzeko balio du. Hori da ikerlan honek bereziki neurtu duena; alegia, euskal herritarrak kutxa horretatik zenbateraino gertu edo urrun kokatzen duten euren burua.
EAEko gizonezkoen % 7 eta emakumezkoen % 2,1 "maskulinitatearen kutxaren barnean" kokatzen dira eta gizontasuna "modu larrian" goresten dute; kutxa horren "ertzean" daudela diote gizonen ia erdiek (% 49,8) eta emakumeen ia laurdenak (% 24,4): horiek ez dute bat egiten agindu tradizionalarekin, baina ez dute erabat bere egiten berdintasunezko maskulinitate eredua; eta azkenik, gizonen % 43,3k eta emakumeen % 73,6k ziurtatu dute kutxaren "kanpoan" daudela modu kontzientean.
Beste lerroburu deigarri hauek ere utzi ditu azterlanak: gizonen hamarretik bik baino gehiagok diote "benetako gizonak heterosexualak" direla, "benetako gizona ezin dela afeminatua izan" edota "sexu-harremanak izateko prostituziora jotzea normala" dela. Bestalde, euskal biztanleriaren gehiengo zabalak indarkeria matxista gaitzesten badu ere, oraindik gizonen % 14,9k eta emakumeen % 6,7k irizten diote indarkeria mota hori "asmakizun ideologiko bat" dela.
"Euskadin gizonekin eta maskulinitateekin berdintasunaren alde lan egiteko estrategiak" goiburupean antolatu du Emakundek jardunaldia, Gizonduz ekimenaren barruan. Ikerlana aurkezteaz gain, 2030 Gizonduz Estrategiaren lan-ildo nagusiak ere partekatu dira topaketan.
Imanol Pradales lehendakariak eta Miren Elgarresta Emakunderen zuzendariak ireki dute jardunaldia, eta aipatutako txostenen aurkezpenen ondoren, lantaldeak eratuko dituzte bertaratu diren 300 pertsonen artean, gaiaren inguruko gogoetak partekatzeko.
Zure interesekoa izan daiteke
Euskadik 340 milioi bideratuko ditu 2030era arte Lanbide Heziketa inklusiboagoa eta enpresarekin konektatuagoa izateko
Lanbide Heziketako Euskadi 2030 Estrategia bost ardatzen inguruan egituratzen da eta 20 helburu estrategiko eta 37 ekintza ditu. Euskadin, gaur egun, 51.600 ikasle daude izena emanda Lanbide Heziketan, eta matrikulazioa % 33 igo da azken hamar urteetan.
Adamuzeko tren istripuan zer gertatu den jakin egingo dela azpimarratu du Sanchezek
Espainiako Gobernuko presidenteak Estatuaren babesa adierazi die Kordobako tren istripuaren biktimei, eta tragediari emandako erantzunean batasun instituzionala nabarmendu du.
Zer dakigu Kordobako tren istripuari buruz? Zer dago argitzeko?
Ordu gutxi batzuk baino ez dira igaro Adamuzen zorigaiztoko tren istripua jazo denetik. Argitu gabeko arrazoiak direla eta, bart, abiadura handiko tren bat errailetik atera da, eta kontrako noranzkoan zihoan Renferen tren bat bidetik aterarazi du. Horiek dira, oraingoz, baieztatuta dauden datuak.
Zer dakigu Kordoban istripua izan duen Iryo tren-konpainiari buruz?
Iryo konpainia italiar-espainiarra abiadura handiko tren-operadore pribatu handiena da eta 2022ko azaroan hasi zuen jarduna Espainian. Astean 400 zerbitzu baino gehiago eskaintzen ditu, hiru korridore handitan banatuta: ipar-ekialdea (Madril-Zaragoza-Bartzelona-Tarragona.), hegoaldeko korridorea (Madril-Kordoba-Sevilla/Malaga) eta Levanteko korridorea (Madril-Cuenca-Valentzia/Alacant/Albacete/Murtzia).
Renferen ustez, giza akatsak eta gehiegizko abiadurak ez dute tren istripua eragin
Alex Fernandez Heredia konpainiako presidenteak azaldu duenez, "arraroa" da istripua gertatu den modua, eta "gertatutakoaren inguruan espekulatzea orain okerrena izango litzateke".
Herri Nortek sexu-erasoak gaitzetsi ditu eta ikerketan lagunduko duela ziurtatu du
Athleticen zale taldeak komunikatu bat atera du, sare sozialetan hainbat testigantza argitaratu ondoren eta arduradun politikoek gertatutakoa argitzeko eta biktimak babesteko eskatu ondoren.
Poztasuna nagusitu da Bilboko senegaldarren artean, Afrikako Kopa Senegalek irabazi du eta
Bilboko San Frantzisko kalean festa handia egin dute Senegal-Maroko partida amaitu ondoren. Finala senegaldarren pozarekin eta Marokoko zaleen etsipenarekin amaitu zen.
Gutxienez 39 hildako eta 48 ospitaleratu Kordoban, abiadura handiko bi trenen arteko istripuan
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zebilen bide horretan, eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Puentek azaldu duenez, Adamuzeko istripua zuzengune batean gertatu zen, trena berria zen eta trenbidea berrituta zegoen: "Oso arraroa da"
Oscar Puente Garraio eta Mugikortasun Iraunkorrerako ministroak esan du oraindik ez direla ezagutzen Adamuzeko (Kordoba) tren-istripuaren arrazoiak, baina "oso arraroa" dela adierazi du, ezbeharra zuzengune batean gertatu delako, trena nahiko berria zelako eta trenbidea duela gutxi berritu dutelako.
Adamuzen istripua izan duen Iryoko trena duela lau egun ikuskatu zuten
Trenbide-operadoreak erakundeen arteko koordinazioaren garrantzia azpimarratu du, eta administrazio eta udalerrien aldetik jasotako babesa eskertu du.