7 urte eta 9 hilabeteko kartzela berretsi diote hiru emakumeri sexu abusuak egin zizkien Bilboko ostalari bati
EAEko Justizia Auzitegi Nagusiak 7 urte eta 9 hilabeteko kartzela zigorra berretsi dio Bilboko ostalari bati, emakumezko bi langileri eta adin txikiko neska bati sexu abusuak egiteagatik.
Bizkaiko Probintzia Auzitegiak frogatutzat jo zuen auzipetutako ostalariak ukituak eta komentario "lizunak" egin zizkiela bi langileri lantokian bertan, eta, epaiaren arabera, emakumeen "behar ekonomikoaz" eta bere "nagusi izaeraz" baliatu zen horretarako. Halaber, frogatutzat jo zuen tabernako sukaldean ere ukituak egin zizkiola.
Lehen instantziako epaitegiaren epaia ezagutu ostean, aipaturiko ostalariak EAEko Auzitegi Nagusira jo zuen. Besteak beste, bere errugabetasun presuntzioa urratu zela eta zigorra ezartzeko oinarri eta froga bakarra salatzaileen lekukotasuna izan zela argudiatu zuen. Horrez gain, salatzaileen testigantzaren sinesgarritasuna ezbaian jarri zuen, eta kontraesanak eta bere aurka egiteko bestelako arrazoiak zeudela esan zuen.
Dena den, bigarren instantziako epaitegiak ez ditu bere argudioak aintzat hartu.
EAEko Justizia Auzitegi Nagusiak gogora erakarri duenez, biktimaren lekukotasuna nahikoa izan daiteke, baita froga bakarra baldin bada ere. Kasu horretan, Bizkaiko Auzitegiak logikaren arauak betez jokatu zuela azpimarratu du, eta hiru salatzaileen testigantzak "koherenteak, arrazionalak eta sinesgarriak" izan zirela. Halaber, beraien lekukotza sostengatzen zuten kanpoko elementuak zeudela baieztatu zuen.
Bestalde, EAEko Auzitegi Nagusiak zehaztu du ez dela identifikatu lekukotza horien "fidagarritasuna" zalantzan jar dezakeen "arrazoi faltsurik".
Kartzela zigorraz gain, 5 urteko zaintzapeko askatasuna ezarri diote, eta ezingo da 5 urtez biktimengana 300 metrora gerturatu, ezta beraiekin komunikatu ere.
Hala eta guztiz ere, epaia ez da irmoa, eta horren kontrako helegitea jar dezakete Auzitegi Gorenean.
Zure interesekoa izan daiteke
EAEn 13.297 haur jaio ziren 2025ean, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Pertsona bat zauritu da Donostiako Herrera auzoko pabiloi batean, ustez eragindako sute batean
Beste hiru lagun tokian bertan artatu dituzte, kea arnasteagatik. Lehen ikerketen arabera, itxuraz, sutea nahita piztu dute. Udaltzainek hainbat pertsona atxilotu dituzte, eta ez dute baztertu gehiago atxilotzea, ikerketa oraindik irekita baitago.
Leioak gauerdira arte luzatu du TAOaren ordutegia
Udalbatzak erabaki hori hartu du arratsalde-gauean Leioako hiru TAO guneetan (Pinueta, Lamiako eta Ibaiondo) aparkatzeko arazoak izaten direlako, Getxoko bizilagun askok hor uzten dutelako autoa.
Auto-ilarak AP-8 autobidean, Basaurin, Donostiarako noranzkoan, istripu baten ondorioz
Ezbeharrak trafiko-arazoak sortu ditu AP-8ko hainbat puntutan, bereziki Malmasingo tuneletan.
Albiste izango dira: Maialen Mazonen ustezko hiltzailearen aurkako epaiketa, Zubietako espetxearen gaineko eskumena aldatzea eta Ekain Ricori elkarrizketa Radio Euskadin
Gaurkoan Orain-en albiste izango direnen laburpena, bi hitzetan.
Maialen Mazonen hilketaren epaiketa martxan da, herri-epaimahaiaren hautaketarekin
Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik, 8 urte bi abortu delituengatik eta 4 urte adingabea abandonatzeagatik.
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.