Akusazio partikularretako batek 290 urteko zigorra eskatu du Hondarribiko surf eta skate irakaslearentzat
Bi akusazio partikularretako batek, Hondarribiko (Gipuzkoa) surf eta skate irakaslearen hamaika biktimetako hamar ordezkatzen dituenak, 290 urteko espetxe-zigorra eskatu du gizon horrentzat, auziko iturriek EFEri jakinarazi diotenez. Gaur hasi da 11 adingaberi sexu-erasoak egitea egotzita auzipetutako irakaslearen aurkako epaiketa, eta gutxienez hilaren 21era arte luzatuko da.
Gipuzkoako Fiskaltzak 85 urteko kartzela zigorra eskatuko du: 84 urteko zigorra 16 urtez azpiko adingabeen aurkako 11 deliturengatik eta urtebeteko zigorra haur pornografiako edukiak edukitzeagatik. Biktimetako batzuek 9-10 urte zituzten erasoak gertatu zirenean.
11 biktimen testigantzarekin abiatu da epaiketa, ateak itxita. Ustezko erasotzailearen deklarazioa, aldiz, prozesuaren azken egunetarako dago aurreikusita.
Lekukotzekin hasi baino lehen, epaiketaren aurretiazko eginbideak izan dira gaur. Gizonaren defentsak drogen desintoxikazioari buruzko txosten bat aurkeztu du, eta biktimetako baten abokatuak, horren txosten psikologikoa. Biak onartu ditu epaimahaiak.
Fiskaltzaren idatziaren arabera, irakasleak adingabeekiko zuen nagusitasunaz baliatzen zen euren konfiantza lortzeko, izan ere, "jarraitu beharreko eredutzat" zuten. Irakasleak "arreta ematen eta opariak egiten limurtzen" zituen adingabeak, eta "mendekotasun sentimendua sorrarazten zien". Ondoren, etxera edo furgonetara gonbidatzen zituen, eta han egiten zizkien erasoak.
Hamarkada bat erasoak egiten
Eskolak ematen zituen bitartean egin zituen erasoak, salaketen arabera. Hain zuzen ere, Ertzaintzak 2021eko abuztuan atxilotu zuen, eta haur pornografiako 4.208 artxibodun disko gogor bat topatu zuen horren etxean. Gutxienez, baina, 10 urte (2011-2021) zeramatzan erasoak egiten, gerora jakin zutenez. Atxilo hartu zutenean, Irungo epaitegi batek espetxeratzeko agindua eman zuen.
Surf eta skate irakaslea zen. Hondarribian jaso ohi zituen ikasleak, eta Landetara joateko ohitura zuen, egun bateko edo hainbat egunetako txangoak egitera.
Epaiketa martxoaren 21era arte dago aurreikusita, Gipuzkoako Lurralde Auzitegian, baina iturri juridikoen arabera, baliteke gehiago luzatzea.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.