Bueltan da udazkena
Udaberri beteko eguralditik, atzera udazkena. Eguraldiak joera horixe hartuko du Aste Santuaren atarian, euria eta eguraldi fresko eta grisa nagusituko dira.
Gaur, tenperaturak gora egingo du eta zaparradak botako ditu egunaren bigarren partean. Egunaren lehen partean euria egiteko probabilitatea txikiagoa izango da, hego-haizea ibiliko da eta giroa nahiko atsegina izango da; hodeitza saretuko da, eta ostarte zabalak izango dira lurraldeko leku askotan. Arratsaldean, aldiz, haizea iparraldetik finkatu, hodeiak ugaritu eta zaparradak egingo ditu, gehienbat hegoaldean eta ekialdean; eremu horietan trumoitsuak eta mardulak izan daitezke, batez ere Nafarroan. Egunsentia freskoa izango da, batez ere barnealdean, eta lainogune batzuk agertuko dira. Maximoak, berriz, zertxobait igoko dira, 17-18 ºC ingurura iritsi arte.
Asteartean udazken itxura hartuko du eguraldiak eta giro hotza eta hezea izango dugu. Haizeak mendebaldetik eta ipar-mendebaldetik joko du eta zakar ibiliko da, batez ere kostaldean. Zerua estalita egongo da eta zaparradak botako ditu, batez ere ipar partean; bertan trumoi-ekaitzak ere jo dezake puntualki. Tenperaturak behera egingo du eta elur-kota 1200 metro inguruan kokatuko da; gauean apur bat gehiago jaits liteke.
Asteazkenean, goizean lainoa eta lanbroa izango dira. Goizaldean zerua tarteka hodeitsu egongo da. Arratsaldean hodeiak ugarituko dira eta zerua hodeiek estalita geratuko da. Goizaldean Kantauri isurialdean prezipitazio txikia egingo du; zenbait tokitan, ertaina. Elur-kota 1.000-1.200 m-ra egongo da goizaldean; egunaren bigarren partean 1.500 m-tik gora igoko da. Mendebal/ipar-mendebaldeko haize ahul-bizia ibiliko da; arratsaldean iparosagaia finkatu eta ahul ibiliko da. Tenperatura minimoak gutxi edo nahikoa jaitsiko dira eta maximoak gutxi igoko dira. Arabako zenbait tokitan eta mendi inguruetan izotz txikia egin dezake.
Ostegunean zerua hodeitsu edo oso hodeitsu egongo da. Euri txikia egingo du, batez ere arratsaldean eta gauean. Hego-osagaiko haize ahul-bizia ibiliko da. Tenperatura minimoetan aldaketarik ez eta maximoak nahikoa igoko dira. Arabako zenbait tokitan eta mendi inguruetan izotz txikia egin dezake.
Ostiralean, zaparrada txikiak egingo ditu. Hego-osagaiko haize ahul-bizia ibiliko da, bolada zakarrekin. Tenperatura minimoak nahikoa igoko dira eta maximoetan aldaketarik ez.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.