Atxilotuen irudiak filtratzeagatik ohartarazpena egin dio Datuak Babesteko agintaritzak Segurtasun Sailari
Datuak Babesteko Euskal Agintaritzak Eusko Jaurlaritzako Segurtasun Sailari ohartarazpena egin dio, hainbat atxiloturen irudiak filtratzeagatik, EITB Mediak baieztatu ahal izan duenez. Irudiok ondoren Alvise Perez ultraeskuindarrak bere hedabideetan erabili zituen, esaldi xenofoboekin. 2023ko Bilboko Aste Nagusian Ertzaintzak atxilotutako ia 80 pertsonaren argazki eta datu pertsonalak dira.
Konfideltziatasun printzipioaren urraketa bat egon zela eta datuen arau-haustea izan zela ebatzi du orain Datuen Euskal Agintaritzak. Erakundeak esan duenez, informazio hori ertzain baten ordenadoretik bidali zen, eta, hortaz, nahita egindako ekintza izan ze, eta ez giza akatsa. Gertaera oso larritzat jo du Agintaritzak, eta Eusko Jaurlaritzari eskatu dio bitartekoak jar ditzala horrelakorik berriro gerta ez dadin.
Herri plataforma batek egin zuen salaketa, sare sozialetan Alvise Perezek ertzaintzaren barne informazioa lau haizetara zabaldu ondotik. 2024ko martxoan, Datuak Babesteko Agintaritzak ikerketa bat abiarazi zuen Alvise, Ertzaintza eta Bilboko Udala ikertzeko, argazki horien ustezko filtrazioa argitu asmoz.
Ikerketak ondorioztatu du irudiak Bilboko ertzain-etxetik zabaldutakoak direla, eta polizia-ingurunetik kanpoko helbideetara birbidali zirela. Barne auditoria baten ondoren, ez zen lortu filtrazioaren azken arduraduna identifikatzea, eta inplikatutako agenteek argudiatu zuten birbidalketa "lan-interes hutsagatik" egin zela. Hala, ukatu egin zuten materiala polizia-eremutik kanpo zabaldu izana.
Ertzaintzak alegazioak aurkeztu arren, erakundearen arabera, konfidentzialtasun-printzipioa urratu zen eta arau-hauste oso larritzat jo du gertatutakoa. Hala, Bingen Zupiriak zuzentzen duen Sailari eskatu dio barne-neurriak har ditzala, etorkizunean antzeko egoerak errepikatu ez daitezen.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.