Normaltasuna errepideetan, Aste Santuko Itzulera Operazio betean
Errepideetan normaltasuna da nagusi oraingoz, baina batez ere eguerditik aurrera espero da trafikoa ugaritzea, eta, ondorioz, auto-ilarak sortzea.
Jaiegunak eta askorentzat oporrak amaitu ondoren, Pazko Astelehena etxera itzultzeko eguna izango da herritar askorentzat. Aste Santuko Trafiko Operazio Berezia asteazkenean, hilak 16, 15:00etan jarri zen martxan, eta astelehen honetan, hilak 21, amaituko da, 21:00etan.
Eusko Jaurlaritzako Segurtasun Sailak 1.064.000 joan-etorri aurreikusi ditu Aste Santurako (apirilaren 16tik 20ra), iaz baino pixka bat gehiago.
Eusko Jaurlaritzak arreta eskatu du egun osoan, gaurko egunez trafiko fluxu handiak erregistratu ohi direlako, batez ere eguerditik 22:00etara, oporraldiaren itzulera irteera operazioan baino modu kontzentratuagoan egiten delako.
Ertzaintzako 200 agente inguru arituko dira trafikoa zaintzen eta kontrolatzen, zirkulazioa ahalik eta arinena izan dadin. Hauek dira pilaketak izatea espero den puntuak:
A-8an, Kantabriako mugan:
Itzulera Operazioan, 13:00etatik 21:00etara izan ohi da ibilgailu kontzentraziorik handiena Bilborako norabidean, Pazko Astelehenean. Aurten, berrikuntza gisa, puntu honetan garabi arineko zerbitzu bat izango da. Ibilgailuak azkartasunez erretiratzeko prebentzio zerbitzu bat izango da, istripu edo matxura bat gertatuz gero, leku seguru batera eramateko. Garabia El Haya-Bilbao tartean egongo da, Bilborako norabidean, 15:00etatik 21:00etara.
AP-8 autobidean, Biriatuko ordainlekuan:
Pazko Astelehena jai da Frantzian eta, horren ondorioz, trafiko handia egoten da Donostiarako noranzkoan.
A-1 eta AP-1 bat lotzen diren lekua, Armiñongo lotunean:
Pazko Astelehenean, trafiko-fluxu handiak izaten dira 12:00etatik 22:00etara.
Hauek dira Eusko Jaurlaritzaren gomendioak:
-Errepidera atera baino lehen, klimatologiaren berri jaso, Euskalmeten bidez, eta trafikoaren egoeraren azken ordua ezagutu, 011 telefono-zenbakiaren, trafikoa webgunearen edo @trafikoaEJGV X kontuaren bidez
- Kontu handiz gidatu
- Ibilgailua bidaia egiteko baldintza egokietan dagoela ziurtatu
- Otordu oparoak saihestu, eta alkoholik edo drogarik ez kontsumitu, ez eta gidatzean eragina izan dezakeen botikarik ere
- Trafikoko agenteen jarraibideei kasu egin
200 hegaldi baino gehiago
Errepideetan bezala, joan-etorri handiko eguna espero da aireportuetan.
Bilboko Aireportuan gaurkoa izango da Aste Santu osoko hegaldi gehieneko eguna, guztira 178 hegaldi espero baitira.
Gasteizko Aireportuan 13 hegaldi programatuta daude, Donostiakoan, 12, eta Iruñekoan, 11.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.