Joan-etorri gehiago, istripu gutxiago eta hildakorik ez Aste Santuan, EAEko errepideetan
Aste Santuan aurreikusi baino ibilgailu kopuru gehiago ibili dira EAEko errepideetan. Eusko Jaurlaritzaren Segurtasun Sailak asteazken honetan zabaldutako balantzearen arabera, trafiko bolumena aurreikusi baino handiagoa izan da, 1.070.000 bidaiarekin, eta iazko datuekin alderatuta ere % 1,35 egin du gora. Halaber, pasa den urtean baino % 24 istripu gutxiago izan dira eta ez da inor hil, ezta larri zauritu ere.
Segurtasun Sailaren arabera, Aste Santuko ibilbide luzeko joan-etorri kopuruak eguraldiaren arabera egiten du gora edo behera.
2023an eguzkia izan zen nagusi, eta trafiko bolumenak % 2 egin zuen gora; 2024an, euriak bustita, igoera % 0,6koa izan zen, eta aurten, eguraldi ezegonkorra izanagatik ere, joan-etorriak % 1,35 hazi dira.
Joan-etorri kopurua igo bada ere, ezbehar gutxiago izan dira errepideetan. Apirilaren 16tik 21era bitartean 74 istripu erregistratu dira, baina ez da hildakorik ezta larri zauritutakorik izan.
Iaz, 97 istripu eta lau zauritu larri izan ziren EAEko errepideetan, eta, hortaz, aurreko urteko datuekin alderatuta, % 24 istripu gutxiago izan dira.
Trafiko-fluxurik handienak ohiko puntuetan erregistratu dira: A-8 errepidean (Bizkaia eta Kantabria arteko mugan), AP-8 autobidean (Irunen) eta Armiñongo lotunean (Araban).
Bizkaian, arazorik handienak apirilaren 17an, ostegunean, izan ziren A-8an, Muskiz eta Barakaldo artean eta Kantabriarako noranzkoan. Puntu horretan, 15 kilometrorainoko ilarak sortu ziren.
Gipuzkoan, 7 eta 8 kilometrorainoko ilarak sortu ziren aurreko asteazkenean eta ostegunean, AP-8 autobidean, Irunen, Baionarako bidean, irteera operazioaren baitan.
Araban, asteazkenean eta ostegunean, 5 kilometrorainoko ilarak sortu ziren A-1 errepidean, Armiñongo lotunean, Madrilera bidean.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.