Sexu-erasoak % 29 igo dira Euskadin 2024an, eta kasuen % 85 argitu dira
2024an Euskadin erregistratutako sexu-erasoak % 29 igo dira aurreko urtearekin alderatuta, Eusko Legebiltzarrean segurtasun publikoari buruz aurkeztutako txostenaren datuen arabera. Gora egin duen arren, kasuen % 85 konpondu dira, Bingen Zupiria Segurtasun sailburuak azpimarratu duenez.
Esan bezala, sexu-erasoak % 29 gehiago izan dira. 2023 urtean % 128 handitu ondoren nabarmen txikitu da. Hiru lurraldeetan antzeko joera dago eta azpimarratu behar da Araban % 42 handitu dela, Bizkaian % 28 eta Gipuzkoan %26. Euskadiko hiru hiriburuetan, horietan gertatzen baitira sexu-erasoen % 50, handitu dira: Gasteizen % 59, Bilbon %48 eta Donostian %4.
Gorakada hori kopuru beltzaren (salatzen ez direnen kopurua) beherakadaren ondorioa izan daiteke, 2022an egindako lege aldaketen ondorioz eta sentsibilizazio-kanpainen ondorioz gizarte kontzientziazioa handiagoa delako.
Guztira, 141.190 arau-hauste penal zenbatu ziren 2024an hau da, % 2ko igoera txiki bat. Erregistratutako delitu gehienak ( % 69) ondarearen eta ordena sozioekonomikoaren aurkako arau-hausteak dira. Delitu presentzialak % 3 igo ziren, eta ziberdelituak, berriz, % 3 jaitsi ziren. Delitu guztien ia bostena dira.
Bide-segurtasunaren arloan, 7.655 zirkulazio-istripu erregistratu ziren, 2023an baino % 2 gutxiago. 2.484 ezbehar izan ziren biktimekin eta 5.171 biktimarik gabe. Errepideko heriotzak % 16 gutxiago izan ziren, baina larri zauritutako pertsonen kopurua apur bat igo zen, % 1.
Ertzaintzaren baliabideen % 80 prebentzio-lanetan erabili ziren, txostenaren arabera. Esparru horretan, 940 dibulgazio-jarduera baino gehiago antolatu ziren ikastetxetan eta beste gune batzuetan, 30.000 pertsona baino gehiagok parte hartu dutelarik, batez ere gazteak eta kolektibo kaltetuak.
Bestalde, Larrialdiak Koordinatzeko Zentroak 816.975 dei erantzun zituen 112aren bidez, eta 250.000 gorabehera baino gehiago kudeatu zituen. Txostenak Ertzaintzaren, udaltzaingoen, larrialdi-sistemaren, Zibersegurtasunaren Euskal Agentziaren eta Emakunde edo Gurutze Gorria bezalako erakundeen arteko lankidetza ere nabarmentzen du.
Zupiriak azpimarratu duenez, Euskadik segurtasun publikoaren eredu "hurbil, moderno eta integrala" finkatzen jarraitzen du, polizia-eremutik haratago doana eta eguneroko bizitzako espazio guztietara hedatzen dena. "Etengabeko arreta eta erantzun koordinatuak eskatzen ditu", esan du.
Zure interesekoa izan daiteke
Gizon batek bi pertsona hil eta beste lau zauritu ditu tiroz, El Ejidon
Ustezko egileak bere burua entregatu du, eta biktimak bere senideak dira.
Arguedasko Udalak elkarretaratzea deitu du astearterako, hilketa matxista salatzeko
Zabaldutako oharrean, Udalak "irmo" gaitzetsi du gertatutakoa, eta biktimaren gertukoei "elkartasuna eta babesa" helarazi dizkie, "sufrimendu handiko" une honetan. .
Chivitek erabat gaitzetsi du Arguedasen izandako ustezko hilketa matxista
Foruzaingoa udalerri horretan emakume baten heriotza ikertzen ari da, ustezko krimen matxista gisa, eta haren bikotekidea atxilotu dute, ustezko hilketa gisa.
Global Summud Flotillan atxilotutako 100 lagunetatik lau euskal herritarrak dira eta gose-greba hasi dute
Gazara zihoan beste flotilla bateko itsasontziak atzeman ditu Israelgo Armadak gaur goizean. Euskal Herrian zein Europako hainbat tokitan protestak antolatu dituzte "Flotilla ez da ukitzen" lelopean.
'Bi ilunabarreko eguna', abuztuko eguzki eklipseari buruzko erakusketa, ireki dute Bergaran
Egun seinalatua iristen denean herritarrek "ekitaldia ulertu eta gozatu" ahal izateko, eklipsea modu didaktiko, irisgarri eta erakargarrian azaltzen du.
Gizon batek 44 urteko emaztea hil du Arguedasen
Atzo iluntzean izan ziren gertakariak. Guardia Zibilak gizona atxilotu du, genero indarkeriarekin lotutako homizidio delitua leporatuta.
Bi gizon atxilotu dituzte Gasteizen, bikotekideei erasotzeagatik, horietako bat 14 urtekoa
Bi gertakariak larunbatean izan ziren, eta 19 eta 25 urteko bi atxilotuei tratu txarrak eta lesio-delituak leporatu dizkiete, hurrenez hurren.
Eusko Jaurlaritzak ziurtatu du ez dagoela "ebidentzeriarik" Petronorrek osasun publikoari kalte egiten diola esateko
Osasun Publikoko zuzendariaren arabera, "datu asko" dituzte eskuartean, eta horietako bakar batek ere ez du erakusten Petronorrek Muskizen duen plantak inguruko bizilagunen osasunari kalte egiten dionik.
Nelson Davidek 73 urteko gizona itota hil zuela ondorioztatzeko zantzuak daudela esan dute auzitegiko medikuek
Biharko saioan, aldeek euren txostenak eta ondorioak aurkeztuko dituzte. Aurreikuspenen arabera, asteazkenean amaituko da epaiketa, herri-epaimahaiaren ebazpenarekin.
Lukas Agirreren hilketan erabili zuten labana "oso arriskutsua" zela nabarmendu du polizia zientifikoak
Ertzaintzako polizia zientifikoaren agenteek krimena gertatu zen lekua ikuskatu zuten, eta haien deklarazioa izan du ardatz epaiketaren zazpigarren saioak.