Eguraldi egonkor eta eguzkitsua nagusituko da asteburuan
Giro goibela atzean utzi eta eguzkia jaun eta jabe izango da asteburuko ordu gehienetan. Oro har, udaberriko giroa nagusituko da, eta 25 graduko inguruko balioak neurtu daitezke barnealdeko zenbait tokitan.
Gaur, ostirala, zerua oso hodeitsu egongo da goizean, eta euri pixka bat egin dezake ipar-ekialdean. Eguerditik aurrera, hodeiak gutxituz joango dira eta atertu egingo du. Arratsaldean, zerua hodei gutxirekin geratuko da hegoaldean; isurialde atlantikoan, berriz, gehiago kostatuko zaio altxatzea. Egunaren hasieran, haizeak mendebaldetik joko du, kostaldean bizi, eta iparraldera egingo du arratsaldean. Tenperatura maximoak pixka bat igoko dira, baina ez dira 20 ºC-tik gora geratuko. Tenperatura minimoak azken orduetan neurtuko dira, zerua garbiago egongo delako.
Larunbatean, eguzkia jaun eta jabe izango da zeruan. Egunaren hasieran, behe-lainoa sor daiteke barnealdean, eta baliteke oraindik hodei hondar batzuk egotea kostaldean. Hala ere, giro eguzkitsua nagusituko da ordurik gehienetan. Haizea aldakor ibiliko da. Goizean, hegotik joko du ipar partean, eta arratsaldean, iparraldera egingo du. Tenperatura maximoek gora egingo dute, eta 22-23 graduren bueltan kokatuko dira, batez ere barnealdean. Tenperatura minimoak, aldiz, jaitsi egingo dira, eta hegoaldeko zenbait lekutan hotza egin dezake egunsentian.
Igandean, tenperaturak koska bat egingo du gora. Igoera hori nabariagoa izango da barnealdean, eta 25 gradutik gorakoak izan daitezke toki batzuetan. Kostaldean, brisak tenperatura gehiago igotzea eragotziko du. Egunaren zatirik handienean, zerua hodei gutxirekin egongo da, erdi-mailako hodei eta goi-hodei batzuk agertu baldin badaitezke ere. Arratsaldean, ordea, bero-hodei batzuk garatuko dira, eta baliteke gauean zaparrada trumoitsuren bat botatzea barnealdean.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.