Juan Mari Aburto, Europa Ligako finalari begira: "Dena prest dago (Bilbon) gauzak ongi irten daitezen"
Datorren asteazkenean San Mames futbol zelaian jokatuko den Europa Ligako finala dela eta, 55.000 zale britainiar izango omen dira Bilbon. Bi zaletu taldeen arteko harremanak onak direla azpimarratu du Juan Mari Aburto alkateak eta horregatik ez dute aurreikusi aparteko istilurik egongo denik. Edozein kasutan, Ertzaintzak eta Udaltzaingoak segurtasun dispositiboa prest dute, "gauzak ongi irten daitezen".
Euskadi Irratiko "Faktoria" saioan egin dioten elkarrizketan Aburtok onartu du gisa horretako nazioarteko ekitaldi bat hirian egiteak eragozpenak eragingo dituela, baina aldi berean uste du aukera "oso polita" dela hiriaren irudia "hobetzeko".
Hainbat hedabidek Erresuma Batutik 80.000 zale iritsiko direla zabaldu badute ere, kopuru hori 55.000ra apaldu du Aburtok. Udalak esku artean dituen datuen arabera, guztira 170 charter hegaldi dira etortzekoak. Segurtasunari lotutako puntu beroak San Mames ingurua, Tottenham eta Manchester United taldeen zaletuen guneak (fan zone izenekoak) —Ametzolan eta Etxebarria parkean, hurrenez hurren— eta fan zone neutrala (Areatzan) izango dira.
Finala dela eta antolatutakoak hainbat aldaketa eragingo ditu inguru horietan. Horren jakitun, elkartasunerako deia egin du Aburtok "zailtasun" horiek denon artean "gainditzeko". Halaber, datorren asteazkenean norbere ibilgailua barik garraio publikoa erabiltzeko eskatu du.
Amaitzeko, Aburtok adierazi du helburua dela Bilbo bisitatuko duten zaleek esperientzia ona izatea etorkizunean berriro itzultzeko gogoa izan dezaten.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatoninaren kontsumo luzea bihotz gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina-gehigarriak hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ez direla bi miligramotik igotzen.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe zigorra eskatu du Fernando Izaguirrerentzat.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.